გუგეშაშვილის სახლთან მობილიზებულია პოლიცია და საასწრაფო დახმარების მანქანები. გუგეშაშვილის შვილი საცხოვრებელი სახლიდან პროზექტურაში გადაასვენეს. ადგილზე მობილიზებულია საპატრულო ეკიპაჟები. ასევე ტერიტორიაზე მუშაობენ ექსპერტ-კრიმინალისტები.

ინფორმაციას ადასტურებენ შსს-შიც. სამინისტრომ სპეციალური განცხადება გაავრცელა.

„დღეს მიღებული შეტყობინების საფუძველზე 1958 წელს დაბადებული დ.გ.-ს და მის შვილს 1985 წელს დაბადებულ გ.გ.-ს, დიღმის მასივში, მათსავე საცხოვრებელ ბინაში, უცნობმა პირმა ცეცხლსასროლი იარაღიდან გასროლით ჭრილობები მიაყენა. გ.გ შემთხვევის ადგილზე გარდაიცვალა, ხოლო დ.გ. გადაყვანილია სამედიცინო დაწესებულებაში. ამ დროისთვის შემთხვევის ადგილზე, მუშაობენ შინაგან საქმეთა სამინისტროს ექსპერტ-კრიმინალისტები და მიმდინარეობს აქტიური საგამოძიებო ღონისძიებები. გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე მიმდინარეობს სისხლის სამართლის კოდექსის 108-ე და 19-109-ე მუხლებით“, - ნათქვამია შსს-ს მიერ გავრცელებულ ინფორმაციაში.