სტალინის შვილთაშვილმა, მხატვარმა იაკობ ჯუღაშვილმა არაადამიანები უწოდა ინგლისური კომედიის, "სტალინის სიკვდილის" შემქმნელებს.ამის შესახებ ჯუღაშვილმა რადიო "Говорит Москва"-ს ეთერში განაცხადა.

"რით გავაკრიტიკო ეს არაადამიანები?როგორ შეიძლება ჩავთვალო ხალხად ეს არსებები, რომლებისთვისაც სიკვდილი სიცილის საგნად არის ქცეული?".

მისივე თქმით, ჩრდილოეთ კორეის ლიდერიც კიმ ირ სენიც დიქტატორი და ტირანი იყო, მაგრამ მსგავსი კომედიის გადაღებას მის სიკვდილზე ვერავინ გაბედავდა, ეს იმის ბრალია, რომ ჩვენ დავრთეთ ნება.

საკუთარი აზრი გამოთქვა ხრუშჩოვის შვილმაც, სერგეი ხრუშჩოვმაც:

"ცრუ და დამახინჯებული, დამამცირებელი წარმოდგენა წარსულზე, ცუდად იმოქმედებს ახალგაზრდა თაობაზე და ბუნებრივია მთლიანად ქვეყანაზე, ეს ძალიან სახიფათოა."

როგორც ცნობილია, რუსეთის კულტურის სამინისტრომ ბრიტანული სატირული კომედიის "სტალინის სიკვდილი" კინოგაქირავებიდან ამოღება მოითხოვა. ფილმის ჩვენება რუსეთში 25 იანვარს უნდა გამართულიყო, კულტურის სამინისტრომ ფილმი დამატებითი იურიდიული ექსპერტიზისთვის შესაბამის სამსახურს გადაუგზავნა.

თუმცა აკრძალვის მიუხედავად მოსკოვის ერთ-ერთ კინოთეატრ "Пионер"-ში ფილმი მაინც გადის. სეანსიდან გამოსული მაყურებელი ძალზე კმაყოფილია და ბევრიც იცინეს.

"ბევრი ვიცინეთ, სამწუხაროა და მრცხვენია კიდეც, რომ ჩვენ არ გადავიღეთ სგავსი ფილმი"-განუცხადა ხანშიშესულმა მაყურებელმა გამოცემა "Коммерсант"-ს.