მრავალშვილიანმა დედამ სამი წლის განმავლობაში შეძლო საკუთარი სხეული სრულყოფამდე მიეყვანა.

43 წლის ჯესიკა ანსლოუ, რომელიც აშშ-ს შტატი იუტადან არის, Instagram -ზე სახელი გაითქვა იმით, რომ გააჩინა 7 შვილი, თავს უვლის, შესანიშნავ ფორმაშია და ისე გამოიყურება როგორც თავის უფროსი, 23 წლის ქალიშვილი.

19 წლის იყო ჯესიკა, როდესაც პირველად იმშობიარა, ეს იყო 1994 წელს, ბოლო, მე-7 ბავშვი კი 2013 წელს იმშობიარა.

მშობიარობების შემდეგ საკმაოდ გასუქდა და მხოლოდ ბოლო სამი წელიწადია გადაწყვიტა საკუთარ გარეგნობისთვის მიეხედა.

დაიწყო სპორტდარბაზში სიარული კვირაში სამჯერ, ამასთანავე უარი თქვა ფასფუდზე და სხვა ნოყიერ სასუსნავზე.

"დავბრუნდი სამშობიარო სახლიდან და როდესაც ჯინსის ჩაცმა გადავწყვიტე თეძოებამდე ძლივს ამოვიცვი, ამის შემდეგ საკმაოდ მოვიწყინე, არ მეგონა თუ ფეხმძიმობა ასე იმოქმედებდა ჩემზე"-იხსენებს ჯესიკა.

ბევრს უკვირს, რომ ქალი, რომელსაც 7 შვილი ჰყავს, ასწრებს მიხედოს ოჯახს და თან ამასთანავე ბრწყინვალე ფორმაში იყოს, თუმცა ჯესიკა აღნიშნავს, რომ პატარა ბავშვების მოვლაში ეხმარება პაპა-ბებიები, მეუღლე და უფროსი შვილები.

"პირველ რიგში ძალიან კარგი ქმარი მყავს და ყოველთვის მხარში მიდგას, უფროსი შვილები დროდადრო მეხმარებიან, ქმრის მშობლებიც მხარში მიდგანან თუ დამჭირდა..ასე, რომ თუ არის მონდომება, დრო ყოველთვის გამოინახება.ახლა ჩემი გრაფიკი იმ დროსაა დაგეგმილი სპორტდარბაზში, როდესაც ბავშვები სკოლაში არიან"-ამბობს ჯესიკა.

ჯესიკა ანსლოუს "ინსტაგრამზე" 125 000 ხელისმოწერი ჰყავს.