რამდენიმე დღის წინ რუსთავი 2 გვარწმუნებდა, რომ 1 კგ ნიგოზი ბაზარში 50 ლარამდე გაძვირდა. ამ თემას შაბათის კურიერმა ვრცელი სიუჟეტი მიეძღვნა.

დღეს კი ამავე ტელევიზიის ეთერში, ამავე კომპანიის ტელეწამყვანებმა ღია ეთერში დაადასტურეს, რომ ნიგოზი 30-35 ლარად იყიდეს.

„მე 30 ლარად შევიძინე ორი კვირის წინ, დედა, რა გოგო ვარ, “ - აღნიშნა თიკა ფაცაციამ.

დანარჩენმა წამყვანებმაც აღნიშნეს, რომ იკითხეს და 30-35 ლარი ღირს.

შეგახსენებთ, ამავე თემას მიეძღვნა ჟურნალისტ შალვა რამიშვილის გადაცემა "მედია რეიტინგიც". რამიშვილი "რუსთავი 2"-ის მორიგ "სიაფანდობაზე" საუბრობს. მან სხვადასხვა ბაზრებიდან მოვაჭრეების კომენტარები გაავრცელა, სადაც დასტურდება, რომ ქართული ნიგოზის ფასი 18 ლარიდან იწყება და 35 ლარს არ აღემატება.