ყოფილმა რუსმა ჩოგბურთელმა ანა კურნიკოვამ ტყუპები, -ქალ-ვაჟი გააჩინა, ამის შესახებ ინფორმაციას გამოცემა TMZ ავრცელებს.

როგორც გამოცემა იუწყება, ბავშვების მამა არის ჩოგბურთელის ოფიციალური ქმარი, 42 წლის ესპანელი მომღერალი ენრიკე იგლესიასი.ბიჭუნას ნიკოლასი დაარქვეს, ხოლო გოგონას -ლუსი.

კურნიკოვა დიდი ხნის მანძილზე, 2016 წლის ნეომბრიდან არ გამოჩენილა საზოგადოებაში და საგულდაგულოდ მალავდა საკუთარ ორსულობას, თუმცა მანამდეც პაპარაცები საფუძვლიანად ეჭვობდნენ, რომ კურნიკოვა ფეხმძიმედ იყო.

კურნიკოვასა და იგლესიასისთვის ეს პირველი შვილებია, მიუხედავად იმისა, რომ ისინი 2001 წლიდან არიან ერთად.

36 წლის რუსმა ჩოგბურთელმა კარიერა 2003 წელს დაასრულა ტრავმის გამო, ქალთა ჩოგბურთის ასოციაციის(WTA) რეიტინგში მისი უმაღლესი ადგილი №8 არის, 2016 წელს კურნიკოვა შეყვანილი იქნა ჩოგბურთის დიდების დარბაზში.

რაც შეეხება ენრიკე იგლესიასს, იგი პირველი ესპანურენოვანი მომღერალია. რომელმაც ყველაზე მეტი ალბომი გაყიდა შეერთებულ შტატებში; მთლიანად კი მსოფლიო მასშტაბით 100 მილიონზე მეტი დისკი აქვს გაყიდული.