მას შემდეგ, რაც ავოკადო, მანგო და ანანასი ზამთრის საუკეთესო ხილად ითვლება, ეგზოტიკური მწვანე კენკროვანი მცენარე ფეიხოა როგორც "бомба" - ისე განიხილება.თავდაპირველად ის სამხრეთ ამერიკაში - არგენტინაში, ბრაზილიაში და ურუგვაიში გამოჩნდა, შემდეგ გადალახა ორი ოკეანის საზღვარი და დასახლდა ყირიმში, ახალ ზელანდიასა და აფხაზეთში. ფეიხოა მრავლადაა აჭარაშიც.ცენტრალური რუსეთის მომხმარებლებისათვის ფეიხოა ბოლო 10 წელია რაც ცნობილი გახდა და დღემდე რჩება გაუგებარი ცნობისმოყვარეობა ამ სასარგებლო ნაყოფის მიმართ.მცენარე კარგად ეგუება სუბტროპიკულ კლიმატს და დღეს საქართველოს ზღვისპირა რაიონებში უპრობლემოდ ხარობს.უპირველესად უნდა აღინიშნოს, რომ ფეიხოას ნაყოფი იოდის ნამდვილი საბადოა. მასში შემავალ იოდს ორგანიზმი მთლიანად ითვისებს. იოდის შემცველობის მხრივ, ფეიხოა ზღვის პროდუქტებსა და წითელ თევზსაც კი უსწრებს. მისი სულ მცირე ზომის ნაყოფი ზრდასრული ადამიანის იოდის მოხმარების დღიურ ნორმას აკმაყოფილებს. იოდის მაღალი შემცველობის გამო, ფეიხოას მოხმარება სასურველია მათთვის, ვისაც ფარისებრი ჯირკვლის დარღვევები აღენიშნება ან იოდის დეფიციტი აწუხებს, ბავშვებისთვის, ასაკოვანი ადამიანებისთვის.ფეიხოა შეიცავს С, В ვიტამინებს, კალიუმს, მაგნიუმს, რკინას, თუთიასა და ფოსფორს, აგრეთვე, ადვილად ათვისებად ცილებსა და ცხიმებს, რაც მას კვების დიეტურ პროდუქტებს აკუთვნებს. გაცხიმოვნების, უძლურების, ავიტამინოზის დროს ყოველდღიურად რეკომენდებულია ფეიხოას 5-6 ნაყოფის მიღება.ფეიხოაში შემავალი ეთერზეთები ორგანიზმს ვირუსებთან და მწვავე რესპირატორული დაავადებების გავრცელებასთან ბრძოლაში ეხმარება.