ინგრედიენტები:

რძე – 500 მლ.

კარაქი ან მარგარინი – 125 გრ.

კვერცხი – 2 ცალი

შაქარი – 75 გრ.

საფუარი (მშრალი) – 11 გრ.

ფქვილი – 600 გრ.

მარილი – 1, 5 ჩ. კ.

თბილი წყალი – 0, 5 ჭ.

ვანილინი – სურვილის შემთხვევაში

მომზადება:

1. შეურიეთ ერთმანეთს რძე და წყალი და ოდნავ შეათბეთ.

2. ჩაყარეთ რძიან წყალში საფუარი > დაამატეთ შაქარი.

3. ყველაფერი კარგად შეურიეთ და დაელოდეთ, რომ საფუარი ამოფუვდეს.

4. დაუმატეთ კვერცხი, კარაქი, მარილი, ვანილინი > ათქვიფეთ ყველაფერი ხელის სათქვეფით.

5. ფქვილი ნაწილ-წაწილ დაამატეთ, თან კოვზით ურიეთ.

ცომი ძალიან რბილი უნდა იყოს – სწორედ ეს არის გემრიელი ფუნჩულების მომზადების ძირითადი საიდუმლო.

6. გადააკარით ცომს სამზარეულოს აპკი და დადგით თბილ ადგილზე 1, 5 სთ. ამ ხნის მანძილზე, ცომი 2-ჯერ უნდა გაიზარდოს მოცულობაში. თუ დრო გაქვთ, კიდევ ერთი საათით შეიძლება ცომის ასე გაჩერება.

7. გაყავით ცომი გუნდებად და ერთნაირი ზომი ბურთულები გააკეთეთ > დააწყეთ ზეთწასმულ საცხობ ფურცელზე > გადააკარით ისევ სამზარეულოს აპკი და გააჩერეთ ამ მდგომარეობაში 20 წთ.

8. თითოეულ ბურთულას ნახვრეტი გაუკეთეთ და ფრთხილად გაწიეთ აქეთ-იქით.

9. მოათავსეთ რამდენიმე ფუნჩულა ტაფაში, ისე რომ ზეთი ნახევარზე ჰქონდეს მომდგარი და თავისუფლად შეეძლოს ცურვა > ერთი გვერდი რომ შეიწვება, ფრთხილად გადააბრუნეთ.

10. ტაფიდან ამოღების შემდეგ, თუშფალანგზე ან სამზარეულოს ქაღალდის პირსახოცზე გადაიტანეთ, რომ ზედმეტი ცხიმი მოსცილდეს. სურვილის შემთხვევაში, როდესაც შეგრილდება, შეგიძლიათ შაქრის პუდრა მოაყაროთ!

უამრავი სახალისო თეორია არსებობს ფუნჩულების წარმოქმნასთან დაკავშირებით. ერთ-ერთის თანახმათ, მისი ფორმა დანიის შორეული ზღვაოსნობის კაპიტანმა ჰენსონ გრეგორმა შემთხვევით მოიგონა. ის ვახტზე იდგა და ნამცხვარს მიირთმევდა. უეცრად, ქარიშხალი ამოვარდა და კაპიტანი იძულებული გახდა, ორივე ხელით საჭევარი (შტურვალი) დაეჭირა. იმ დროს, სხვა ვერაფერი მოიფიქრა და ნამცხვარი საჭევარის სახელურს ჩამოაცვა. სინამდვილეში, ფუნჩულას ფორმა, სავარაუდოდ, იმასთან არის დაკავშირებული, რომ ნახვრეტიანი ცომი უფრო სწრაფად და თანაბრად იწვება.

თქვენთვის ასევე საინტერესო იქნება:

ხაჭოს ბურთულები

რძის ფხვნილის უგემრიელესი ტკბილეულის რეცეპტი (ერთხელ თუ მოამზადებთ, მაღაზიისკენ აღარ გაიხედებით)

რჩეული რეცეპტები და პროფესიონალი მზარეულის რჩევები (+ ბონუსი – დიეტები და სხვა)