არის ქვეყნები, რომლებშიც უშვილო ოჯახები, ბავშვის ასაყვანად, წლობით დგანან რიგში და არის ქვეყნები, სადაც არასასურველ ბავშვებს ურნებში ყრიან. ამ ხრივ, ყველაზე მეტად ჩინეთი გამოირჩევა. მაგრამ, ეს ისტორია ჩინეთში კი არა, მის მეზობელ, ინდოეთში მოხდა.

ცნობილმა ინდოელმა მსახიობმა მითჰუნ ჩაკრაბორტემ ნაგვის ურნაში ახალშობილი გოგონა იპოვა და ისე, რომ არც დაფიქრებულა, სახლში წაიყვანა. მას, იმ მომენტისთვის, სამი ვაჟი უკვე ჰყავდა და ჩათვალა, რომ ქალიშვილი ღმერთმა გამოუგზავნა. გოგონას დიშანი დაარქვა და თავისი გვარი მისცა. მან ბავშვი საკუთარი შვილივით, მთელი გულით შეიყვარა და წლების მანძილზე, მზრუნველობას არ აკლებდა.

ოჯახის ახალი წევრის გამოჩენამ, მითჰუნის ოჯახის სხვა წევრებიც ძალიან გაახარა. დედას და სამ ძმას გოგონა შეუყვარდათ და სითბოს და ყურადღებას არ აკლებდნენ. არც დიშანი რჩებოდა ვალში და მათ ცხოვრებას სიყვარულით და სიხარულით ავსებდა. პატარა დიშანი გაიზარდა და ულამაზეს ქალიშვილად იქცა.