სარეცხის მანქანაში ჩაყრილი შავი პილპილი სასწაულებს ახდენს(რჩევები ხარისხიანი რეცხვისთვის)

სხვა

2017, 22 აგვისტო, 13:39

ალბათ ბევრი თქვენგანი დარჩენილა ხშირად უკმაყოფილო არასათანადოდ გარეცხილი სარეცხის გამო. ხან თეთრი სამოსი თეთრის ნაცვლად ვარდისფერია, ხან საყვარელი შავი შარვალი ნაცრისფრად გამოიყურება. ფერადი სარეცხის სწორი რეცხვისთვის განკუთვნილი რეკომენდაციები უხვადაა, თუმცა ჩვენ მათ შორის საუკეთესოს გთავაზობთ. თანაც ეს არაა ქიმიური, არამედ ნატურალური საშუალებაა.

შავი პილპილი

დაამატეთ მხოლოდ ერთი ჩაის კოვზი პილპილი პირდაპირ სარეცხთან ერთად და არა ფხვნილის ჩასაყრელ უჯრაში. ჩართეთ მანქანა ცივი რეცხვის რეჟიმზე.

პილპილი მოქმედებს როგორც მსუბუქი "დაჟატული" ქაღალდი. მას ამოჰყავს საპნის ნარჩენები, რომლებიც ქსოვილშია ჩარჩენილი და სწორედ ისაა, რის გამოც ტანისამოსი გახუნებულ იერს იძენს.მარილი

იმავე "დაჟატული" ეფექტისაა მარილიც. დაამატეთ რამდენიმე ჩაის კოვზი რეცხვისას. ის ქსოვილს ბრწყინვალებას შესძენს.ძმარი

ძმარიც საუცხოოდ აცილებს სრეცხს საპნის ნარჩენებს, გარდა ამისა ის კარგი დამარბილებელიცაა. დაამატეთ რეცხვისას მხოლოდ ერთი ჭიქა თეთრი ძმარი. ძმრის სუნის გამო ნუ დაეჭვდებით, გაშრობისთანავე გაუვა.ლიმონი

ლიმონის დამსახურებით ყველაზე გახუნებული სამოსიც კი ახლიდან გახასხასდება. ჩაამატეთ რეცხვისას 2-3 ჩაის კოვზი ლიმონის წვენი.ყავა

ყველასთვის საყვარელი ყავა (და ჩაიც) მუქი ტანისამოსის ბუნებრივი საღებავია. მოამზადეთ ორი ჩაის ჭიქა სასმელი (რომელიც გსურთ, ჩაი ან ყავა) და დაამატეთ რეცხვისას ჩაასხით სადაც სარეცხს ალაგებთ და არა ფხვნილის უჯრაში. აუცილებლად დარწმუნდით, რომ მხოლოდ მუქ სამოსს რეცხავთ, წინააღმდეგ შემთხვევაში ღია ფერის სამოსს გააფუჭებთ.და კიდევ, გთავაზობთ რჩევებს სარეც ფხვნილთან დაკავშირებით:

სინთეტიკური სარეცხი ფხვნილები კარგად რეცხავს, აცილებს ლაქებს და დეზინფექციას უკეთებს თეთრეულს. ყველა გასაყიდი ფხვნილი წინასწარ შემოწმებულია და თუ მათ სწორად იხმართ, არავითარი საშიშროება არ მოგელით.აუცილებლად დაიცავით ინსტრუქცია, რომელიც სარეცხი ფხვნილის ყუთს აწერია. იქ მითითებულია, თუ რა რაოდენობის ფხვნილი უნდა ამოიღოთ. არასოდეს ჩაყაროთ იგი თვალის ზომით

გადაჭარბებულმა დოზამ, შესაძლოა, ალერგია გამოიწვიოს. განსაკუთრებული სიფრთხილე ფეხმძიმე ქალებს მართებთ. ფხვნილი, რომელიც სარეცხი მანქანებისთვის არის გათვალისწინებული, არ გამოიყენოთ ხელით რეცხვისას და არავითარ შემთხვევაში - ჭურჭლის გასარეცხად.