მადრიდში ფესტივალ Mad Cool -ზე მოხდა ტრაგედია.42 წლის აკრობატი 28 მეტრის სიმაღლიდან ჩამოვარდა და დაიღუპა.

ეს მოხდა ამერიკული როკ -ჯგუფის Green Day-ის გამოსვლის წინ.

"ფესტივალ Mad Cool ორგანიზატორები ვწუხვართ ამ საშინელი ინციდენტის გამო, რომელიც საჰაერო აკრობატს დაემართა ფესტივალის მეორე დღეს.ვუსამძიმრებთ დაღუპულის ოჯახის წევრებს და ახლობლებს."

ფესტივალზე 8 ივლისს წუთიერი დუმილით პატივი სცეს ტრაგიკულად დაღუპულ აკრობატს.

განცხადება გაავრცელა ჯგუფმა Green Day-მაც.

"დღეს ტრაგიკულად დაიღუპა ძალიან მამაცი აკრობატი სახელად პედრო .ჩვენი ფიქრები და ლოცვები მიმართულია მისკენ, მისი ოჯახის წევრებსა და მეგობრებისკენ"-ნათქვამია განცხადებაში.

როგორც ცნობილი გახდა, აკრობატი 30 მეტრის სიმაღლეზე კვადრატულ გალიაში ასრულებდა ტრიუკს, პრინსის ცნობილი ჰიტის Purple Rain-ის ფონზე, როდესაც მოულოდნელად დამზღვევი თოკი გაწყდა.აკრობატი რამდენიმე წუთში გარდაიცვალა.