ცნობილი ფაქტია, რომ ფრინველებს უყვართ გაფენილი სარეცხის მოპარვა, არც ძაღლები ჩამოუვარდებიან "ქურდბაცაცობაში", მაგრამ 44 წლის ბრიტანელი ქალბატონის კატამ მგონი ყველას "მოუჯოკრა" ჟარგონი, რომ გამოვიყენოთ.
დიდ ბრიტანეთში, კერძოდ კი ქალაქ კარდიფში მცხოვრებ ზოი დევისს მოუწია ოფიციალურად მოეხადა ბოდიში მეზობელი ქალებისათვის და ახალგაზრდა გოგონებისათვის, რადგან მისი კატა სხვა გასაშრობად გაფენილ ტანსაცმელთან ერთად ხშირად იპარავს ქალის ტრუსებს და ბიუსტჰალტერებს. თან ეს ქურდობა იმდენად გახშირდა ზოიმ უკვე არ იცის თუ როგორ მოიქცეს, სასეირნოდ გაყვანილი კატა ეგრევე რომელიმე მეზობლის ეზოში ხტება და ან ტრუსს ან ბიუსტჰალტერს მოარბენინებს, რაც მეტად უხერხულ მდგომარეობაში აყენებს კატის პატრონს.
ზოიმ ოფიციალურად მოუხადა მეზობლებს ბოდიში მისი კატის ამგვარი საქციელის გამო, მაგრამ კატას ჯერ "ქურდბაცაცობა" ვერ შეაწყვეტინა, კატის დაინტერესება უკვე ტრუსებთან და ბიუსტჰალტერებთან ერთად სხვა ტანსაცმელმაც გამოიწვია და უკვე სვიტერს და შორტებსაც იპარავს.