ბანანი – საოცარი პროდუქტია! ის მდიდარია ვიტამინებით და მინერალებით, ბოჭკოვანით, მკვებავი ნივთიერებებით, ბუნებრივი შაქრით. ბანანი არ შეიცავს ალერგენებს, ამიტომაც ის შეიძლება მივცეთ ჩვილებსაც. მეცნიერები ამტკიცებენ, რომ თუ ყოველ დღე 2 ბანანს მივიღებთ, ჯანმრთელობასთან დაკავშირებულ ბევრ პრობლემას მოვაგვარებთ! განსაკუთრებით პოზიტიურად მოქმედებს ნერვიულ სისტემასა და კუჭ-ნაწლავის ტრაქტის მუშაობაზე, ახდენს რა კუჭის ლორწოვანი გარსის რეგენერაციის სტიმულირებას.

ახლა კი დეტალურად განვიხილოთ თუ რა სარგებლობა მოაქვს ბანანს ორგანიზმისთვის:

მიირთვით 1-2 ბანანი ვარჯიშის წინ – ამით შეძლებით ერთი საათის მანძილზე ენერგიით დაიმუხტოთ.

ბანანი – ეს არის პროდუქტი, რომელსაც დაბალი გლიკემიური ინდექსი გააჩნია: მისი გადამუშავება ორგანიზმში ნელა ხდება, შედეგად, გვაძლევს ენერგიას. ის სავსეა ვიტამინებით, რომელიც ორგანიზმს გამძლეობას მატებს. მასში შემავალი კალიუმი კი ხელს უშლის კუნთების კრუნჩხვას.

ეს ხილი ნამდვილად დაგეხმარებათ დეპრესიის დაძლევაში. საქმე იმაშია, რომ მასში დიდი რაოდენობითაა ტრიპტოფანი – ნივთიერება, რომელიც სჭირდება ჩვენს ორგანიზმს სერატონინის სინთეზისთვის. ეს უკანასკნელი კი წარმოადგენს ნეირომედიატორს, რომელიც ტვინს მოდუნებაში, დამშვიდებაში ეხმარება, რის შედეგადაც თავს ბედნიერად იგრძნობთ.

ბანანი ეხმარება არტერიული წნევის შემცირებაში და ეფექტურად ებრძვის ინსულტისა და გულის შეტევის განვითარების რისკებს. იმის გამო, რომ მასში მცირე რაოდენობითაა წარმოდგენილი ნატრიუმი და დიდი რაოდენობით კალიუმი – გულისთვის ამას დიდი მნიშვნელობა აქვს.

როდესაც არტერიებში წარმოიქმნება ფოლაქები – ბანანი, ფიზიკურ აქტივობასთან ერთად, საუკეთესო საშუალებაა ამის თავიდან ასაცილებლად.

ადამიანები, რომლებიც ანემიით იტანჯებიან, ბანანი ეხმარება საჭირო რაოდენობის რკინის მიღებაში, რაც სისხლის წითელი უჯრედების გამომუშავების სტიმულირებას ახდენს და არეგულირებს ჰემოგლობინის დონეს.

როდესაც ზედმეტად დაქანცული ხართ, მიირთვით ბანანი. მას შეუძლია დროებით სისხლში შაქრის დონის აწევა. ეს ენერგიას შეგმატებთ. ამასთან, დიდი რაოდენობით В ჯგუფის ვიტამინებს შეიცავს, რომელიც ბუნებრივი გზით ამშვიდებს ნერვიულ სისტემას და ეხმარება მოდუნებაში.

თუ გასტრიტით ან კუჭის წყლულით იტანჯებით, ბანანი, ამ შემთხვევაში, ყველაზე უსაფრთხო პროდუქტია. ტკივილს არ მოგაყენებთ მისი რბილი ტექსტურის გამო. დაგიცავთ გაღიზიანებისგან და აგრესიული მჟავების ზემოქმედებისგან.

ამასთან, ეს ხილი არაჩვეულებრივი თერმორეგულატორია. თუ მას სიცხეში მიირთმევთ, ის გაგრილებაში დაგეხმარებათ ( ამცირებს სხეულის ტემპერატურას). ზამთარში ახდენს ვირუსით გამოწვეული ტემპერატურის დარეგულირებას.

ბანანი არაჩვეულებრივად ეხმარება გულძმარვის და მჟავის რეფლუქსის დროს. მიირთვით ერთი ბანანი და მაშინვე იგრძნობთ შვებას გულძმარვის პირველი სიმპტომების დროს.

ამ ხილს კიდევ ბევრი დადებითი თვისება გააჩნია. თუ დაკავებული ხართ და არ გაქვთ იმის დრო სრულფასოვნად იკვებოთ, სამსახურში წახემსებისას არაჯანსაღი, სწრაფი კვების პროდუქტების ნაცვლად, როგორიცაა ჰამბურგერი ან ჰოთდოგი..., მიირთვით ერთი ან ორი ბანანი. რამდენიმე დღის შემდეგ თავად შეამჩნევთ, თუ როგორ იცვლება თქვენი ცხოვრება უკეთესობისკენ.