მუსიკოსმა და მომღერალმა სტეფანე მღებრიშვილმა თავის ყოფილ ცოლს მომღერალ მაია დარსმელიძეს სოციალური ქსელით "ფეისბუქით" დაბადების დღე ასე მიულოცა:

"Today is her Birthday! გიჟდება თავის დაბადების დღეზე და მე მეჩხუბება, შენ რატომ არ გიყვარსო... საერთოდ ამ ადამიანთან ყველაზე მეტი დრო გავატარე, ჩემი შვილის დედაა ასევე...
ერთმანეთი გადავჭამეთ, შევჭამეთ, ჰაერი გადავუკეტეთ, სისხლი გავუშრეთ ... მაგრამ აღმოჩნდა, რომ მაინც რაღაცნაირად სულ ერთად ვართ და საუკეთესო მეგობრები ვართ. საუკეთესო მეგობრობა კი ბევრს ნიშნავს. მაგარ ჯემს დაადუღებს ხვალ ბიჭებთან ერთად და გული მწყდება რომ არ ვიქნები და აქედან მივულოცავ დაბადების დღეს! ბედნიერი იყავი, მაია... და რაც მთავარია ჯანმრთელი!
პ.ს: ვინმემ მონიშნეთ, ბევრჯერ წამშალა მეგობრებიდან და ვერ ნახავს ... "

სტეფანე მღებრიშვილი და მაია დარსმელიძე რამდენიმე წლიანი თანაცხოვრების შემდეგ 2012 წელს ერთმანეთს დაშორდნენ. მათ საერთო შვილი, უსაყვარლესი გოგონა ყავთ. მათი დაშორება მოხდა მაშინ, როდესაც ორივე ტელეკომპანია "იმედის" მუსიკალურ ტელეპროექტ "ახალ ხმაში " მწვრთნელების როლში იყვნენ. დაშორების შესახებ ინფორმაცია სოციალური ქსელით მაია დარსმელიძემ გაავრცელა, სადაც იგი წერდა:

"მაგარი საინტერესოა, ექს მეუღლესთან ერთად როგორი იქნება "ვოისი". პროექტი ჯერ არ დაწყებულა, შოუ კი უკვე გვაქვს". მაშინ ეს ზოგს შოუს ნაწილი ეგონა, თუმცა ისინი მართლა დაშორდნენ ერთმანეთს, მაგრამ მეგობრულ ურთიერთობას დღემდე ინარჩუნებენ.