24 წლის რუსეთში მოღვაწე ულამაზესი მოდელი მიმი შელია, რომელსაც ქართველ ირინა შეიკად მოიხსენიებენ, მოსკოვში დაიბადა და გაიზარდა.
მიმი შელია ქართველი ფეხბურთელის, გიორგი ჭანტურიას ცოლი იყო, მაგრამ წყვილი დაშორდა ერთმანეთს.
ამის შემდეგ მიმის რომანი ჰქონდა ცნობილ რუს ფეხბურთელთან ფიოდორ სმოლოვთან, რომელიც ახალი დაშორებული იყო მეუღლეს. მისი მეუღლე კი რუსეთში ძალიან პოპულარული ფოტომოდელი, ბლოგერი და ტელეწამყვანი 33 წლის ვიქტორია ლოპირევა იყო.

მაგრამ 9 თვიანი სასიყვარულო ურთიერთობის შემდეგ რუსი ფეხბურთელი და ქართველი მოდელი ყველასთვის მოულოდნელად დაშორდნენ ერთმანეთს.

26 წლის ფეხბურთელმა 2016 წლის ევროპის ჩემპიონატზე, რუსეთის ნაკრების სამარცხვინო დამარცხების შემდეგ, თავისი რჩეული მირანდა შელია მიატოვა. ეს ინფორმაცია სპორტსმენის საახლობლო წრიდან გახდა ცნობილი. წყვილი ერთმანეთს დაშორდა ევრო 2016-ის დასრულების შემდეგ პრაქტიკულად მაშინვე, როგორც კი პარიზიდან მოსკოვში დაბრუნდნენ.

ჩემპიონატის დროს საფრანგეთის დედაქალაქში მიმი შელია ყველაზე ძვირადღირებულ სასტუმროში- Four Seasons George V-ში ცხოვრობდა, დადიოდა ყველაზე საუკეთესო რესტორნებში და ინსტაგრამაზე თავს იწონებდა ძვირფასი ახალშეძენილი ბრენდული სამოსით.

თუ რა იყო მათი დაშორების მიზეზი, არ არის ცნობილი.

გარდა ამისა ინტერნეტში გავრცელდა ვიდეო, სადაც მიმი შელია სმოლოვის ყოფილ ცოლს სახალხოდ ამცირებს.

მოდელი ახლა თბილისში იმყოფება. ძმასთან ერთად თბილისის ქუჩებში სეირნობის დროს Periscope-ის პირდაპირ ეთერში გადაწყვიტა თავის ფანებს გასაუბრებოდა. მიმიმ თავის თაყვანისმცემლებთან საუბრისას არ უარყო სმოლოვთან დაშორება და მათ კითხვაზე, რომელიც თავისი უკვე ყოფილი შეყვარებულის ექს-მეუღლეს, ვიქტორია ლოპირევას ეხებოდა, საქვეყნოდ დაამცირა იგი:

"მოდით, არ გვინდა ამ ქალის შესახებ საუბარი. იგი არ იმსახურებს იმას, რომ მასზე ვისაუბროთ. ის თავის ჭკუაზე ვერ არის. მას საერთოდ შეიძლება, რომ ქალი ვუწოდოთ?"

"ის ვერაფრით ვერ წყნარდებოდა, ის მე მუდმივად მეკიდებოდა... როცა ქალს, 33 წლის ასაკში ჭკუის ხმარება არ შეუძლია, რა უნდა ისწავლო მისგან?..."

მიმი შელია და ფიოდორ სმოლოვი:

სმოლოვი და მისი ყოფილი ცოლი, ვიქტორია ლოპირევა: