მათეო სტუჩი იტალიელი კონდიტერია ქალაქ მონზადან, რომელიც დესერტისგან საოცრად მიმზიდველ მინიატურულ სამყაროს ქმნის და ავსებს პატარა ფიგურებით. "დესერტის გარეგნულ მხარეს ისეთივე მნიშვნელოვანი დატვირთვა აქვს, როგორც მის გემოს" – ამბობს მათეო და რთულია მას ამაში არ დაეთანხმო. მის წარმოსახვას საზღვარი არ აქვს – ორცხობილები შეუძლია საქანელებად გადააქციოს, მარწყვები კი – ელეგანტურად გამოწყობილ ნეფე-პატარძლად, "ეშმაკის ბორბალიც" კი შეუძლია გააკეთოს მის მიერვე დამზადებული ტკბილეულისგან. აღსანიშნავია მისი კრეატიულობის უნარი და ყურადღება, რასაც ყოველი, სულ მცირე დეტალისადმი იჩენს – ეს უბრალოდ გასაოცარია!

მისი ეს მცდელობა უყურადღებოდ არ დარჩენილა. ორ თვეში მას ათი ათასობით გამომწერი გაუჩნდა და მათი რიცხვი დღითიდღე იზრდება.