პირველად ბრაზილიაში "მის ბუმ-ბუმის" კონკურსზე, რომელმაც წლის საუკეთესო უკანალი უნდა გამოავლინოს, გამარჯვებისთვის დედა-შვილი იბრძოლებს.

35 წლის ბრუნა ფერაზი(Bruna Ferraz) და 19 წლის ედუარდა მორაესი(Eduarda Moraes) სხვადასხვა შტატს წარმოადგენენ.ფერაზი რიუ-გრანდი-დე-სულს წარმოადგენს, ხოლო ედუარდა შტატ რონდონიას ღირსებას დაიცავს.

ბრუნას თეძოების გარშემოწერილობა 109 სანტიმეტრია, ხოლო მისი ქალიშვილი ედუარდასი, -106 სმ.

"ამ კონკურსზე გამარჯვება ჩემთვის ძალზე მნიშვნელოვანია, -აღნიშნა ედუარდამ-ის ჩემს ცხოვრებას შეცვლის.ისიც ვიცი, რომ დედაჩემისთვისაც მნიშვნელოვანია გამარჯვება."

ფერაზი და მორეასი იმ 15 ფინალისტის სიაში მოხვდნენ, რომელიც სახალხო არჩევნების შედეგად გამოვლინდა საიტ Miss BumBum-ზე 100-მეტ კანდიდატს შორის.

ამა წლის მაისის თვეში გახდა ცნობილი, რომ პირველად "მის ბუმ-ბუმის" კონკურსში 50 წელს გადაცილებულ ქალებსაც შეუძლიათ მიიღონ მონაწილეობა.

კონკურსის ფინალი გაიმართება 9 ნოემბერს სან-პაულოში.

ამასობაში კი საზოგადოების ნაწილის აღშფოთება გამოიწვია "მის ბუმ-ბუმის" მონაწილეების მიერ ბიბლიურ თემაზე შექმნილი ლეონარდო და ვინჩის "საიდუმლო სერობის" განსახიერებამ, რამდენად მკრეხელური შეიძლება იყოს ასეთი ნაბიჯი?თუმცა ნაწილს საკმაოდ სახალისოდაც მოეჩვენათ.

შეგახსენებთ "მის ბუმ-ბუმის" კონკურსი პირველად 2011 წელს გაიმართა ბრაზილიაში და მას შემდეგ იგი არა მარტო სამშობლოში, არამედ მთელს მსოფლიოში გახდა პოპულარული.