დიდ ბრტანეთში 12 დღის მანძილზე მიმდინარეობდა მამაკათა სილამაზის კონკურსი "მისტერ მსოფლიო 2016". კონკურსის ფარგლებში მონაწილეებს უწევდათ ინტერვიუების მიცემა, ტალანტთა შოუზე გამოსვლა და სპორტული შეჯიბრებები. საბოლოოდ, დანარჩენი 46 ფინალისტი უკან ჩამოიტოვა და საუკეთესოს ტიტული მოიპოვა მისტერ ინდოეთმა, რომელიც "პლანეტაზე ყველაზე სასურველ მამაკაცად" აღიარეს.



27 წლის ინდოელმა მსახიობმა და მოდელმა, როჰიტ ჰანდელვალმა ჟიური მოხიბლა არა მხოლოდ გარეგნული მონაცემებით, არამედ ასევე სპორტული მიღწევებითა და ინტელექტუალური უნარებით. იგი პირველი აზიელი მამაკაცია, რომელმაც ეს წოდება მიიღო. ორი წლის წინ როჰიტი მუმბაიში ჩავიდა, რათა მსახიობი და მოდელი გამხდარიყო. თავიდან დიდი შრომა მოუწია იმისათვის, რომ მცირე როლი მიიღო ადგილობრივ ტელევიზიაზე გასულ ტელესერიალში.


ყოველწლიურ მამაკაცთა სილამაზის კონკურსში, რომელიც 1996 წლიდან ტარდება, მსოფლიოს სხვადასხვა ქვეყნებიდან კანდიდატები მონაწილეობას იღებენ ხუთ სხვადასხვა შეჯიბრებაში: მოდის, სტილის, სპორტის, მულტიმედიისა და ტალანტთა შოუში. კონკურსის ოფიციალური საიტის მიხედვით, გამარჯვებულს ირჩევს ჟიურის წევრები, რომლებიც კანდიდატებს ზემოჩამოთვლილ შეჯიბრებებზე აფასებენ.


ქვემოტ კი უბრალოდ წარმოგიდგენთ 2016 წლის ყველაზე სიმპატიური მამაკაცის ფოტოებს.