21 ივლისს მომხდარმა ავარიამ 3 ადამიანის სიკვდილი და 4-ის ჯამრთელობის მძიმე მდგომარეობა გამოიწვია.დაღუპულებში არიან ახალგაზრდა ცოლ-ქმარიც, რომლებიც ზღვისპირას ყოფილან დასასვენებლად და სახლში ბრუნდებოდნენ.ამ ტრაგედიამ საზოგადოების დიდი ტკივილი და ამასთან ერთად მოძრაობის წესების გამკაცრების მოთხოვნა გამოიწვია.წარმოგიდგენთ ჟურნალისტ ვიკა ბუკიას მიერ სოციალურ ქსელში, საკუთარ ფეისბუქ გვერძე გამოქვეყნებულ ამაღელვებელ პოსტს უცვლელად :

"ვუყურებ იმ გოგოს სურათებს, ზღვაზე. ხან მეგობართან ერთად გადაღებულ სელფებს, ხან ქმართან, ვკითხულობ ჩვეულებრივ კომენტარებს, ღადაობენ, იცინიან.. ბავშვი დაუტოვებიათ ბებიასთან; ალბათ რამდენჯერ ურეკავდნენ დღის განმავლობაში, ეუბნებოდნენ რომელ დღეს ჩავლენ, რომელ საათზე. რა ნაცნობი ისტორიაა. ჩვენც ხშირად ვართ ასე. დავდივართ ზღვაზე, ვტოვებთ ბავშვებს მშობლებთან, ვიღებთ სელფებს, ვწერთ კომენტარებს და წარმოდგენაც არ გვაქვს რა გველის წინ. ყოველგვარი სენტიმენტეის გარეშე. ხვდებით რა ტრაგედიაა? ის ბავშვი ელოდება ახლა დედამისს.
მეც რომ სხვებით დავწერო - მაღალი სიჩქარით არ უნდა ვიაროთ - იმ გოგოებს და იმ ბიჭს ეს ვეღარ გააცოცხლებს.
მაგრამ იქნებ შენ, ვინც ახლა აპირებ რომ ჩაჯდე მანქანაში, ან უკვე ზიხარ.. გთხოვ, გთხოვ, გთხოვ - იარე ნელა. არასდროს არსად არ გვეჩქარება ასე.
დავაჰაშთაგოთ
‪#‎იარენელა‬ ‪#‎iarenela‬
p.s. აუცილებლად უნდა მოვითხოვოთ მკაცრი ზომების მიღება, ეს შესაძლებელია. ღვედები ამის კარგი მაგალითია; უნდა დადგინდეს რა არის ამ დაუსრულებელი ავარიების მიზეზი, რა შეიძლება გაკეთდეს - ასე ვერ გაგრძელდება. ავტობანებზე უფრო მეტი ეკიპაჟი უნდა მოვითხოვოთ, უფრო მაღალი ჯარიმა, უფრო მკაცრი ზომები. პატრული არასწორად დაპარკინგებულ მანქანასთან ყველაზე მკაცრია დღეს, ხოლო აწყვეტილ ჯიპებს მხოლოდ რადარი აკონტროლებს."