კარატის 21 წლის ფლორიდელი ინსტრუქტორი, სტეფანი ფიგუერა დაკავებული იქნა 11 წლის ბიჭთან ინტიმური კავშირის გამო. გოგონა თავის მოსწავლეს საკუთარ ინტიმურ ფოტოებს უგზავნიდა. ამას გარდა, მასწავლებელი ბიჭუნას სექსუალურ ურთიერთობასაც სთავაზობდა.

ბიჭის დედამ შვილის ტელეფონში კარატის ინსტრუქტორთან "ცხელი" მიმოწერა აღმოაჩინა და პოლიციას მიმართა.


სტეფანი ბიჭუნას დაბადების დღეზე თავის სახლში ეპატიჟებოდა და ამცნობდა, რომ შინ მარტო იქნებოდა. ერთმა შეტყობინებამ კი დედა საერთოდ შოკში ჩააგდო: "ერთი სული მაქვს, ისევ როდის დავწვებით ერთად სპორტსკოლაში. მინდიხარ, ძალიან მინდიხარ"...

ინსტრუქტორმა თებერვალში გაუმხილა მოსწავლეს, რომ შეუყვარდა. მას შემდეგ ოცამდე პიკანტური ფოტო გაუგზავნა.

სპორტსკოლის დირექტორმა განაცხადა, რომ ვერც კი წარმოიდგენდა, რომ მისი თანამშრომელი ასე იქცეოდა. სათვალთვალო კამერის ჩანაწერების შემოწმების შედეგად სკოლის ადმინისტრაცია დარწმუნდა, რომ არავითარი ეროტიკული ეპიზოდის კვალი არ არსებობს.


ამჟამად საქმის გამოძიება გრძელდება. გამორიცხული არ არის, რომ სტეფანის მსგავსი ურთიერთობა სხვა ახალგაზრდა მოსწავლეებთანაც ჰქონდა.