რა თქმა უნდა, ნებისმიერ ქვეყანაში ბლომად არიან როგორც ჭკვიანები, ასევე სულელები, მაგრამ სტატისტიკოსებმა გამოიანგარიშეს, თუ რომელ ქვეყნებშია მოსახლეობის ინტელექტის დონე გაცილებით მაღალი და რომლებში - დაბალი. მოდით, ერთად გავეცნოთ ამ კვლევის შედეგებს.

მაშ ასე, თქვენს წინაშეა მსოფლიოს ათი ქვეყანა, სადაც ყველაზე ჭკვიანი მოსახლეობა ცხოვრობს.

შვედეთი

შვედების ინტელექტის საშუალო მაჩვენებელი 101 ბალის ტოლია. ამის დამამატკიცებელია ის, რომ ქვეყანას მსოფლიოში მეორე ადგილი უჭირავს სამუშაო ადგილების კომპიუტერიზაციის მხრივ- სხვადასხვა პროფესიის შვედების 75% სამუშაო ადგილზე კომპიუტერს იყენებს.

ავსტრია

ავსტრიელების IQ ოდნავ მეტია, ვიდრე შვედებისა-საშუალოდ ის უდრის 102-ს. ქვეყანას მსოფლიოში მეორე ადგილი უჭირავს დოქტორის ხარისხის მქონე ადამიანების პროცენტული მაჩვენებლით-აქ მცხოვრებ 1000 ავსტრიელზე 16 დოქტორი მოდის.

გერმანია

გერმანია მუდამ განთქმული იყი თავისი მწერლებითა და ფილოსოფოსებით, ამჟამად კი გერმანული განათლება თანამედროვეობას უწყობს ფეხს-ფილოსოფია აქ არცთუ ისე პოპულარულია, მაგრამ სამაგიეროდ გერმანელებს მესამე ადგილი უჭირავთ უნივერსიტეტდამთავრებულების რაოდენობის მიხედვით. მათი IQ 102-ის ტოლია.

იტალია

იტალიური განათლების სისტემა სულაც არ ითვლება საუკეთესოდ, მაგრამ ძველი დროის მოაზროვნეების და მხატვრების გავლენა თავისას აკეთებს: იტალიელების საშუალო IQ 102-ის ტოლია, ანუ იმდენი, რამდენოც გერმანელების და ავსტრიელების.

ჰოლანდია

ჰოლანდიის სასკოლო განათლების სისტემა ერთ-ერთ საუკეთესოდ ითვლება მსოფლიოში. აქაური მოსწავლეები მუდამ მოწინავე ადგილებს იკავებენ მსოფლიო ჩემპიონატებზე მათემატიკასა და საბუნებისმეტყველო მეცნიერებებში, ხოლო ქვეყნის საშუალო IQ 103-ის ტოლია.

სინგაპური

შესაძლებელია, ვინმეს უსამართლოდ მოეჩვენოს, მაგრამ ყველაზე ჭკვიანების ხუთეულში მხოლოდ აზიის ქვეყნები შევიდნენ. სინგაპურელი მოსწავლეები და სტუდენტები უმაღლეს შეფასებებს ღებულობენ მათემატიკისა და საბუნებისმეტყველო მეცნიერებების მსოფლიო ტურებზე. ქვეყნის საშუალო IQ 103 -ია.

ტაივანი

ტაივანის მოსახლეობის ნახევარი თავისუფლად ფლობს ორ ენას-აქ ინგლისურის არცოდნა დიდ სირცხვილად ითვლება. ქვეყნის საშუალო IQ 104-ის ტოლია

იაპონია

იაპონური განათლების სისტემა ცნობილია სიმკაცრით, რასაც, როგორც ჩანს, თავისი ნაყოფი მოაქვს. ქვეყანაში განათლებული ადამიანების რაოდენობა 99%-ია. ეს ერთ-ერთი საუკეთესო მაჩვენებელია მსოფლიოში, ხოლო იაპონელების საშუალო IQ 105-ია.

სამხრეთ კორეა

სამხრეთ კორეა-მსოფლიო ჩემპიონია ზუსტ და საბუნებისმეტყველო მეცნიერებებში დიპლომიანების რაოდენობის მიხედვით. ქვეყნის მოსახლეობის 30%-ს აქვს უმაღლესი განათლება მათემატიკის, ფიზიკის ან ინფორმაციული ტექნოლოგიების დარგებში. ქვეყანაში საშუალო IQ 106-ია.

ჰონკონგი

IQ-ს საშუალო სტატისტიკური მაჩვენებლით 107 ჰონკონგი ითვლება ყველაზე ინტელექტუალურ ქვეყნად მსოფლიოში. ჰონკონგელი სტუდენტები საერთაშორისო კონკურსებში ხშირად იკავებენ პირველ ადგილებს, ხოლო აქაური სასკოლო და საუნივერსიტეტო განათლების სისტემა ფინურის შემდეგ მსოფლიოში საუკეთესოდ ითვლება.

P.S. მაინც რა არის IQ და რატომ ითვლება ის ადამიანის ინტელექტის დონის საზომ ერთეულად? შევეცდები მოკლედ აგიხსნათ:

ინტელექტის კოეფიციენტი - IQ (ინგლისურიდან: IQ - Intelligence Quotient; იკითხება როგორც "აი ქიუ") ადამიანის ინტელექტის დონის რაოდენობრივი შეფასებაა და აღნიშნავს ინდივიდის ინტელექტის დონის შეფარდებას იმავე ასაკის საშუალოსტატისტიკური ადამიანის ინტელექტის დონესთან. IQ ითვალისწინებს ლოგიკურ აზროვნებას, დასახული მიზნის მიღწევისა და დასაბუთებული მსჯელობის უნარს, თვითკრიტიკას. 0-დან 19-მდე IQ გონებაჩლუნგობას მოწმობს, 20-36 ერთეული - აზროვნების უკმარობას, 69-85 ერთეული - ნორმასთან ახლოა, 86-114 - ნორმაა, 115-124 ერთეული - ნორმაზე მეტია, 125-134 ერთეული - ინტელექტის მაღალი დონეა, 135 ერთეულზე მეტის მფლობელები კი გენიოსები არიან. IQ სპეციალური ტესტების საშუალებით განისაზღვრება. IQ ტესტები აზროვნებაზეა გათვლილი და არა ცოდნის დონეზე (ერუდიციაზე). ერთი სიტყვით, ინტელექტის კოეფიციენტი საერთო ინტელექტუალური ფაქტორის შეფასების მცდელობაა.