კანონიერი ქურდი გიორგი ზარანდია, იგივე გია გალსკი რომელიც აფხაზეთიდან არის გადაიხდის ჯარიმას და დატოვებს ქვეყანას, იუწყება მოსკოვის შსს-ს პრეს-სამსახური.

"სისხლის სამართლის სამძებროს თანამშრომლებმა დედაქალაქის ჩრდილო-დასავლეთით, ერთ-ერთ სახლში დააკავეს 36 წლის მამაკაცი მეზობელი ქვეყნიდან, რომელიც ითვლება ე.წ. "კანონიერი ქურდად", მეტსახელად "გია გალსკი".დადგინდა, რომ მამაკაცი უკანონოდ იმყოფება რუსეთის ფედერაციის ტერიტორიაზე."-ნათქვამია განცხადებაში.

წინასწარი მონაცემებით ქართველი კანონიერი ქურდი სათავეში უდგას ეთნიკურ დანაშაულებრივ დაჯგუფებას, რომლებიც ბინებს და მოქალაქეებს ძარცვავენ მოსკოვში.

2015 წელს პრესა იუწყებოდა, რომ "ტატუს" ყოფილი სოლისტი იულია ვოლკოვა და გიორგი ზარანდია დაქორწინებას აპირებენ, თუმცა თვითონ მომღერალმა ეს ფაქტი უარყო.

მიუხედავად ამისა, სოციალურ ქსელში იულიას და გიას მრავალი ერთობლივი ფოტო დევს.