დღეს 9 მაისია, ფაშიზმზე გამარჯვების 71 წლისთავი.დღე, როდესაც მსოფლიოს რამდენიმე ქვეყნის გაერთიანების მეოხებით დედამიწას მოაშორეს ისეთი ჭირი, როგორიც ფაშიზმია.ომი, რომელსაც 60 მილიონი ადამიანის სიცოცხლე შეეწირა.მაინც როგორია დღევანდელი გადმოსახედიდან თანამედროვე საზოგადოებისთვის მეორე მსოფლიო ომი და რა იციან მის შესახებ?

ამ დღეებში ისეთი მსხვილი და პრესტიული გამოცემა, როგორც Washington Post -ია შავით თეთრზე წერს, რომ "მეორე მსოფლიო ომში გამარჯვება ამერიკელების ტრიუმფია, ხოლო "წითელმა არმიამ" მხოლოდ დამხმარე როლი შეასრულა, " ამიტომაც გასაკვირია თუ რატომ აღნიშნავენ ასე პომპეზურად მოსკოვში გამარჯვების დღეს."

"ალბათ ამერიკელებს ჰგონიათ, რომ ჰიტლერელები ადამიანმა-ობობამ დაამარცხა-პარდონ, ადამიანი-ობობა გვიან გამოჩნდა.ალბათ მაშინ კაპიტანმა ამერიკამ, მოიქნია ფარით მარცხენა ხელი და ესესელების დივიზიონი გაანადგურა, მერე მარჯვენა ხელი და გერმანულ "ვეფხვებს" ლულები გასძვრათ"-წერს ირონიულად ჟურნალისტი ვიქტორ ჰუსეინოვი.

ამასობაში კი BBC-იმ გამოკითხვა მოაწყო შემდეგი კითხვით:ვინ იყო საბჭოთა კავშირის მოკავშირე მეორე მსოფლიო ომის დროს? აქაც პასუხები საკამოდ არასახარბიელოა.თუ შუა ხნის ადამიანები ასე თუ ისე კითხვას ძირითადად სწორედ სცემდნენ პასუხს, ახალგაზრდებზე ამას ნამდვილად ვერ ვიტყვით.