ნარკოვაჭრობა - აკრძალული ნარკოტიკული საშუალებებით უკანონო ვაჭრობაა, რომელიც მრავალმილიარდიან კრიმინალურ ნარკობიზნესს წარმოადგენს. ამ უკანონო ბიზნესიდან მირებული შემოსავალი არსად და არასოდეს უწყობდა ხელს სახელმწიფოსა თუ მისი რომელიმე რეგიონის ეკონომიკურ ზრდა-განვითარებას. პირიქით, ნარკოსტრუქტურების კონტროლი უზარმაზარ ფინანსურ და მატერალურ სახსრებზე სერიოზულ საფრთხეს წარმოადგენს ნებისმიერი, განსაკუთრებით კი სუსტი ეკონომიკისათვის. სიღარიბე სამხრეთ იტალიაში, კოლუმბიაში, პერუსა და სხვა ლათინოამერიკულ ქვეყნებში, რომლებში ნარკომაფიაა გაბატონებული, დასტურია იმისა, რომ ეროვნული ეკონომიკის სტიმულირების მაგივრად ორგანიზებული ნარკომაფია ახერხებს ჩამორჩენილობის შენარჩუნებას.

საინტერესოა, როგორი ცხოვრება აქვთ და რით ერთობიან შავი ბიზნესის "მეფეების" შვილები. ამაზე მსჯელობა ჩვენ მხოლოდ სოციალურ ქსელებში განთავსებული ფოტოებიდან თუ შეგვიძლია. მოოქროვილი იარაღი, ულამაზესი გოგონები ბიკინებით, "მოშინაურებული" მტაცებელი ცხოველები, ძვირფასი ავტომობილები - ინსტაგრამზე არსებული ფოტოებიდან თუ ვიმსჯელებთ, ეს ყველაფერი აუცილებელი ატრიბუტებია ნარკობარონების გათამამებული შვილებისთვის.

თქვენ არ ვიცი, მაგრამ ამ ფოტოების ნახვის შემდეგ მე ისეთი შთაბეჭდილება შემექმნა, რომ უბრალოდ არ იციან რაში დახარჯონ მამიკოების ნაშოვნი ფული. რაც მთავარია, სულაც არ აინტერესებთ რა გზით არის ეს სიმდიდრე დაგროვებული და, რაც უფრო ამაზრზენია, სულაც არ უწუნებენ მამიკოებს არჩეულ გზას... გთავაზობთ უბრალოდ გადახედოთ ამ ფოტოებს და დასკვნები თავად გამოიტანეთ.