მარტო ბოლო 80 წლის მანძილზე დაახლოებით 150-მდე სპორტსმენი დაიღუპა სპორტული ასპარეზობის დროს მთელი მსოფლიოს მასშტაბით.ესენი არიან: ჰოკეისტები, ველომრბოლელები, ფეხბურთელები, მოკრივეები, ავტომრბოლელები და სხვა.მოდით გავიხსენოთ ზოგიერთი მათგანი.

1-აირტონ სენა-ლეგენდარული ბრაზილიელი ავტომრბოლელი, სამგზის მსოფლიო ჩემპიონი "ფორმულა-1"-ში.

1994 წლის 1 მაისს სან-მარინოს გრან-პრის ასპარეზობის დროს რომელიც იტალიის ქალაქ იმოლას ავტოდრომზე იმართებოდა, ის "Tamburello" - ს მოსახვევში სავარაუდოდ ბოლიდის გაუმართაობის გამო, 300 კმ/სთ სიჩქარით გადავიდა გზიდან და ბორდს შეეჯახა, როდესაც მასთან ექიმებმა მიირბინეს, ის უკვე აღარ რეაგირებდა.

2-სერგეი პერხუნი-უკრაინის ნაკრების და მოსკოვის «ЦСКА»-ს მეკარე.

2001 წელის 18 აგვისტოს "ანჟისთან"სტუმრად თამაშის დროს მეკარე ნახტომის დროს თავით დაეჯახა ბურუნ ბურუნოვს.ექიმების თავდაუზოგავი ბრძოლის მიუხედავად, სეგეი პერხუნი 10 დღის შემდეგ საავადმყოფოში გარდაიცვალა.

3-ბილ მასტერტონი-კანადელი ჰოკეისტი.

1968 წლის 13 იანვარს "მინესოტა ნორტ სტარზსის" ფორვარდი დაეჯახა რონ ჰარისს, უკან გადავარდა და თავით ყინულზე დაეცა(მაშინ ჰოკეისტები დამცავი შლემის გარეშე გამოდიოდნენ).ორ დღეში სპორტსმენი გარდაიცვალა.დღესდღეობით დაწესებულია მისი სახელობის პრიზი-"Bill Masterton Memorial Trophy", რომელიც გადაეცემათ იმ ჰოკეისტებს, რომლებიც მაღალ ოსტატობას ავლენენ და ჰოკეის ერთგულნი არიან.

4-ნოდარ ქუმარიტაშვილი-ქართველი მოციგავე.

2010 წლის 12 თებერვალს, ოლიმპიური თამაშების გახსნამდე რამდენიმე საათით ადრე, საქართველოს ოლიმპიური ნაკრების
წევრმა, მოციგავე ნოდარ ქუმარიტაშვილმა უისტლერის ოლიმპიურ ტრასაზე
ერთ-ერთი ბოლო სავარჯიშო დაშვების დროს მართვა დაკარგა და 143.3 კმ/სთ
სიჩქარით მოძრავი ციგა ტრასის ბორტს შეეჯახა. ამის შედეგად იგი ციგიდან
ამოვარდა და ტრასიდან მოშორებით, ლითონის კონსტრუქციას შეეჯახა. სასწრაფო
დახმარების ვერტმფრენით ის მაშინვე საავადმყოფოში გადაიყვანეს, თუმცა მისი
გადარჩენა ვერ მოხერხდა. 21 წლის ქართველი სპორტსმენი საავადმყოფოში
მიყვანის შემდეგ გარდაიცვალა.

5-ჟან პიერ მორსერე-ბელგიელი ველომრბოლელი, მსოფლიო ჩემპიონი და ჯირო დი ლომბარდიას გამარჯვებული.

1971 წლის 15 მარტს შეჯიბრის დროს შეეჯახა გზის პირას მდგარ ავტომობილს..7 წლის შემდეგ ანალოგიურად გარდაიცვალა მისი შვილიც.

6-მარკ ვივიან ფოე-კამერუნელი ფეხბურთელი, ნაკრების წევრი, თამაშობდა"მანჩესტერ იუნაიტედში", საფრანგეთის "ლიონში" და "მაჩესტერ სიტიში ".

კონფედერაციის თასის ნახევარფინალურ მატჩის დროს თამაშის 71-ე წუთზე მოულოდნელად მოედანზე დაეცა, ხოლო 45 წუთის შემდეგ გარდაიცვალა.მიზეზი კარდიომიოპატია.

8-სერგო შალიბაშვილი-წყალში მხტომელი — საერთაშორისო კლასის სპორტის ოსტატი.ევროპის ჩემპიონატის ვერცხლის პრიზიორი.

1983 წლის 16 ივლისს კანადაში უნივერსიადაზე სერგო კოშკურიდან ასრულებდა ილეთს, რომელსაც "სამ-ნახევარი უკან, წინა დგომიდან" (იგივე "ავერბახი" - იმ ადამიანის პატივსაცემად, ვინც ეს ნახტომი პირველად შეასრულა) ჰქვია. სერგო 10 მ-ის სიმაღლიდან გადმოხტა და ნახტომის შესრულებისას სადგარს ჩამოარტყა თავი. ილეთი ისეთი სიძლიერით ჰქონდა
დაწყებული, რომ ნახევარი ბრუნი კიდევ გააკეთა და წყალში ჩავარდა. იმ დღეს
შეჯიბრება შეწყდა და სერგო სასწრაფო დახმარების მანქანით საავადმყოფოში
გადაიყვანეს, მას თავის ფუძე ჰქონდა მოტეხილი. იგი 2 დღის განმავლობაში
აპარატზე იყო შერთებული რის შემდეგაც გარდაიცვალა.

9-რობერტ ვანგილა-კენიელი მოკრივე, სეულის ოლიმპიადის ჩემპიონი, მსოფლიო ჩემპიონატის ბრინჯაოს პრიზიორი, მრავალი საერთაშორისო ტურნირების გამარჯვებული.

1994 წლის 24 ივლისს ლას-ვეგასში ამერიკელ დევიდ გონსალესთან კრივის დროს მიიღო მრავლობითი დარტყმები, ამიტომ მე-9 რაუნდზე რეფერი იძულებული იყო ბრძოლა შეეჩერებინა, თუმცა თვითონ ვანგილას ბრძოლის გაგრძელების სურვილი ჰქონდა.შესვენებისას სპორტსმენი კომაში ჩავარდა, რის შემდეგაც იგი საავადმყოფოში გადაიყვანეს.ვანგილა 36 საათში გარდაიცვალა.

10-პიერმარიო მოროზინი, -იტალიელი ფეხბურთელი, ნახევარმცველი, იტალიის ახალგაზრდული ნაკრების წევრი, თამაშობდა "ატლანტაში", "უდინეზესა" და "ბოლონიაში".

გარდაიცვალა 2012 წლის 14 აპრილს, იტალიის ჩემპიონატის სერია ბ-ს მატჩის დროს "პესკარას" წინააღმდეგ.მატჩის 31-ე წუთზე მოროზინმა გრძნობა დაკარგა და მოედანზე დაეცა.ადგილზე ფეხბურთელს რამდენჯერმე აღმოუჩინეს დახმარება, რის შემდეგაც გრძნობაზეც მოვიდა, თუმცა სასწრაფო დახმარების მანქანაში ისევ გრძნობა დაკარგდა და გარდაიცვალა.სიკვდილის მიზეზი დღესაც ბოლომდე დაუდგენელია.