"ნანუკა ჟორჟოლინის შოუში" მიშა მესხი ვიხელეთ, რომელიც უკრაინაში მომხდარი ინციდენტის შემდგომ სარეაბილიტაციო კურსს გადის. საკმაოდ გულახდილი ინტერვიუ შედგა და გადაცემაც მაღალრეიტინგული აღმოჩნდა. ცოტნე გამსახურდია ამ ყველაფერს სოციალური ქსელის მეშვეობით ეხმაურებს: "არასოდეს არავითარი სიმპატია არ მქონია მიშა მესხის, მისი როლებისადმი, და არც მსგავსი ტიპები მევასებოდენ ოდესმე. დისტანცია მეჭირა ყოველთვის ეგეთებთან, მაშინაც კი, როცა თავად ვცოდავდი მაგ სფეროში. მაგრამ წეღან შემთხვევით შევხედე რუსთავი ორზე და გულით შემეცოდა: რა უქნა საკუთარ თავს საწყალმა. ღმერთმა უშველოს.

მაგრამ ნანუკიე ქაჯს ****** კიდევ ერთხელ, სად იყურება ეს ჟურნალისტთა ქარტია ქორიძის თამადობით, ფსიქიურად ავადმყოფის გამოჭენება და გოიმური კითხვებით კამერების წინ "წურვა" - მიღებული თემაა?! ადრე იყო და სულით ავადმყოფი თამთა კოსტავა გამოაჭენა, ცხონებული მერაბის გაუბედურებული ქალიშვილი... გავაგდოთ უკან, ლატარეაში გვერგო???"

მიშა მესხი პირველად მომხდარ ფაქტს სოციალური ქსელის მეშვეობით გამოეხმაურე. მსახიობი წერდა: "სინამდვილეში, არც კი მახსოვს რა როგორ მოხდა, მახსოვს რომ დავლიე ბევრი სასმელი, შემდეგ ტაბლეტები, ლირიკა, კიდევ რაღაცეები და გავითიშე... გონზე მოსვლის შემდეგ უკრაინელმა ექიმებმა მითხრეს, რომ ეს იყო ალკოჰოლით და ლირიკით გამოწვეული ინტოკსიკაცია. გავეცანი იმ გამოხმაურებებს, რომელიც ამ ამბავს მოჰყვა. ვფიქრობ, რომ ადმიანის პირად ცხოვრებაში სხვები არ უნდა ერეოდნენ, თუმცა, მეორე მხრივ, ამგვარი ინტერესი ბუნებრივია როცა საქმე "ცნობად სახეს" ეხება, ამიტომაც, ამას ვერავის ავუკრძალავ. ჩემი სისუსტეები არასდროს დამიმალავს, მათი გამომწვევი მიზეზებია: უიმედობა, დეპრესია, როცა არაფერი გაქვს საკეთებელი, როცა არავის ჭირდები. სინამდვილეში, ჩემს ცხოვრებას, რამდენიმე ახლობელი ადამიანის გარდა, არავინ იცნობს, ისინი ყველაზე მეტად განიცდიან ჩემს მდგომარეობას."