მოდა ძალიან პრეტენზიული და არამყარი ქალბატონივითაა. გგონია უკვე ნაბიჯი აუწყვე, წამოეწიე და აი, უცებ თვალსა და ხელშუა რადიკალურად შეიცვლება. და გუშინდელი ტრენდი დღეს უკვე უგემოვნობად ითვლება, მიუხედავად იმისა, რომ უამრავი ფული შეიძლება იყოს გადაყრილი. რა თქმა უნდა, ტანსაცმელი მაინც არ უნდა გადავყაროთ, ვინ იცის, იქნებ 3-4 წლის შემდეგ ისევ მოდაში შემოვიდეს - ხომ ნათქვამია, ყველაფერი ახალი კარგად დავიწყებული ძველიაო.

მანამ კი, სანამ თქვენი უკვე მოძველებული ტანისამოსი ისევ მოდაში შემოვიდოდეს, გადახედეთ იმ მოდურ ტენდენციებს, რომლებიც 2015 წელს განსაკუთრებით პოპულარული იყო, თუმცა ახლახანს ჩატარებული გამოკითხვის შედეგად წამყვანი მოდური ჟურნალების რედაქტორებმა გასული წლის ყველაზე ცუდ ტენდენციებად დაასახელეს და რომელთა დავიწყებასაც გვირჩევენ 2016 წლისთვის.

1. "შლოპანცები"

90-იანი წლების უხეში გადმონაშთი, რაც არც ერთი ქალის ფეხს არ უხდება. სამაგიეროდ, შეგიძლიათ უბადლოდ გაკეთებული პედიკურით თავი მოიწონოთ.

2. მიდი კაბა-შარვლები

სინამდვილეში არც მთლად შარვალი და არც მთლად კაბა. მათი შეხამება ძალიან ძნელია, რადგან ვიზუალურად ამძიმებს სხეულის ქვედა ნაწილს. როგორც წესი მათი სიგრძეც ქალის ძალიან ლამაზ ფეხებსაც კი არ უხდება.

3. კომბინეზონი

2016 წელს გასული წლის ეს საკმაოდ პოპულარული სამოსი მხოლოდ ფერმერებს და სპეცმუშაკებს თუ გამოადგებათ.

4. ფეხსაცმელი ე.წ. ტრაქტორის ძირებზე

გასაკვირი არც არის, რომ ამგვარი ფეხსაცმელი მიმდინარე წელს მოდაში აღარ იქნება - ის ხომ თვით ულამაზეს ფეხსაც კი არ უხდება.

5. ფერადი ქურქები

შეიძლება მას რიანა ატარებს, მაგრამ ეს არ ნიშნავს, რომ ყველამ უნდა ატაროს.

6. ჯინსები მაღალ წელზე, ე.წ. "mom jeans"

ე.წ. "დედიკოს" ჯინსების ჩაცმა მხოლოდ იდეალური ფიგური ქალბატონებს თუ შეუძლიათ. თუმცა ამ სამოსმა უმშვენიერესი ფორმებიც კი შეიძლება წამში გადააქციოს უბრალო ბანალობად.

7. რეზინის შლოპანცები, იგივე shower shoes

ამ ტიპის შლოპანცები იმდენად საინტერესო "ფენომენია", რომ სხვა "შლოპკებისგან" იმსახურებს გამოყოფას. გაგიმართლათ, თუ ჯერ არ გინახავთ, როგორ ახდენენ ამ ფეხსაცმლის შეხამებას კაბებთან, წინდებთან და მკაცრ პიჯაკებთანაც კი.

8. ბრიჯი


ბრიჯების სიგრძე იშვიათად თუ უხდება ქალის ფეხებს, ამიტომ მოდური ჟურნალის რედაქტორები ამ სამოსის დავიწყებასაც გვირჩევენ.

9. შიშველი კაბები

შეიძლება ვიღაცისთვის გულდასაწყვეტი იყოს, მაგრამ ე.წ. "შიშველი" დასავიწყებელ სამოსთა ჩამონათვალში მოხვდა.

10. დიზაინერული ბოტასები

აცილებელია იარლიყზე მაინცდამაინც შთამაგონებელი ფასის არსებობა? Nike-მა, Adidas-მა თუ სხვა სპორტულმა ბრენდებმა შეწყვიტეს ბოტასების გამოშვება თუ რაშია საქმე?