ძალიან ხშირად ფეხსაცმლის შეძენისას არ ვფიქრობთ მის კომფორტულობაზე და იმაზე, რომ იგი მინიმუმ ერთი სეზონი მაინც უნდა გვეცვას. ამიტომ ფეხსაცმელი პირველ რიგში უნდა იყოს მაქსიმალურად მოხერხებული ფეხებისთვის. აქედან გამომდინარე, ახალი წყვილის შეძენისას სასურველია გავითვალისწინოთ შემდეგი:

1. უმჯობესია ფეხსაცმელი შევიძინოთ საღამოს


შეიძლება ეს რჩევა ცოტა უცნაურად ჟღერს - ვინ წავა საყიდლებზე სამსახურის შემდეგ, დაღლილი? მაგრამ ფეხსაცმლის ასარჩევად სწორედ საღამო ხანი სჯობს, რადგან ამ დროს ფეხი, როგორც წესი, დაღლილია და ცოტა შეშუპებულიც. შესაბამისად, ზომაშიც იმატებს, ეს კი იმას ნიშნავს, რომ ის ფეხსაცმელი, რომელიც დილით მოგერგოთ, საღამოს აუცილებლად მოგიჭერთ და ფეხს გატკენთ.

2. არასტანდარტული სტანდარტები


სხვადასხვა მწარმოებლებს, ზომების მიხედვით, შეიძლება სხვადასხვა სტანდარტები ჰქონდეს. ეს იმას ნიშნავს, რომ არ უნდა შეიძინოთ ფეხსაცმელი მოზომების გარეშე, რადგან სწორედ ამ გზით შეიტყობთ ნამდვილად გერგებათ თუ არა იგი.

3. ზომა აიღეთ იმ ფეხიდან, რომელიც უფრო დიდია


შეიძლება სულელურად ჟღერს, მაგრამ დადასტურებულია, რომ ადამიანთა უმეტესობას ერთი ტერფი ყოველთვის ოდნავ უფრო დიდი აქვს. ამიტომ უმჯობესია ფეხსაცმელი სწორედ დიდ ფეხზე მოვიზომოთ და ამის მიხედვით შევიძინოთ.

4. შეარჩიეთ ფეხსაცმელი სხვადასხვა შემთხვევისთვის


ფეხსაცმლის არჩევისას აუცილებელია ზუსტად გვქონდეს წარმოდგენილი რა მიზნით ვყიდულობთ. მაგალითად, თუ გჭირდებათ ყოველდღიური ფეხსაცმელი, რომელიც დილიდან საღამომდე უნდა გეცვათ, ნუ აირჩევთ მაღალ, ვიწრო ქუსლიან ფეხსაცმელს და უპირატესობა მიანიჭეთ ერთიან ძირს - ამგვარი ფეხსაცმელი ყოველთვის გაცილებით კომფორტულია.


5. არ დაივიწყოთ, რომ ფეხები იზრდება


გახსოვდეთ, რომ დროთა განმავლობაში ფეხი შესაძლია ოდნავ გაიზარდოს როგორც სიგრძეში, ასევე სიგანეში. ამიტომ უმჯობესია ყოველ 2 წელიწადში შეამოწმოთ თქვენი ფეხის ზომა. ეს განსაკუთრებით აუცილებელია, თუ ფეხსაცმელს ინტერნეტ მაღაზიაში ყიდულობთ.