"Beefeater" – ჯეიმს ბაროუმ 1863 წელს გახსნა სპირტსახდელი საწარმო ჩელსიში. იგი პროფესიით ფარმაცევტი იყო და კარგად ერკვეოდა მაგარი სასმელების ტექნოლოგიებში. მან 1802 წელს შექმნა "Beefeater" ჯინის რეცეპტი, რომლის სახელი ლეგენდის თანახმად, XIX საუკუნეში ვილჰემ დამპყრობლის კარზე მომსახურე მეომრებისაგან წარმოდგა. მეომრებს განსაზღვრული ჰქონდათ მეფის სასახლეში ხორცის დიდი ულუფები, რის გამოც მათ საქონლის ხორცის მჭამელები შეარქვეს, რაც ინგლისურად გამოითქმის "Beef-eater". 1908 წელს ბაროუს ვაჟებმა წარმოება ვოკსხოლში გადაიტანეს და იქ დაიწყეს ჯინის ჩამოსხმა. 1958 წელს ქარხანას გაუკეთდა რეკონსტრუქცია და იგი დღეისთვის ერთ-ერთ მძლავრ საწარმოს წარმოადგენს. "Beefeater" ერთადერთი ინგლისური ჯინია, რომელიც ლონდონში იწარმოება.