პირველი, ვინც სერიოზული ეჭვი შეიტანა ბრიუს ბენეტია, კორპორაცია RAND -იდან(RAND -ამერიკული სტრატეგიული კვლევის ცენტრი)."აფეთქების სიმძლავრე ათჯერ მეტი მაინც უნდა ყოფილიყო, ვიდრე ისინი აცხადებენ, -აღნიშნა ბენეტიმ.

"კიმ ჩენი ინი ან იტყუება, ან კიდევ წყალბადის ბომბის გამოცდამ ისე არ ჩაირა, როგორც დაგეგმილი იყო, ან პრობლემები სინთეზირების დროს შეიქმნა"-განმარტავს ბენეტი.

ანალოგიურად ეჭვი ეპარებათ რუს ექსპერტებსაც.ვენაში საერთაშორისო ორგანიზაციების მუდმივი წარმომადგენელის ვლადიმერ ვორონკოვის განცხადებით, "დაზუსტდა აფეთქების სიმძლავრის პარამეტრები და იგი პრაქტიკულად ემთხვევა 2013 წელს განხორცილებეულ აფეთქებას, რყევის სიხშირე ახლაც ასეთივე იყო."

2013 წლის 12 თებერვალს ფხენიანმა განახორციელა ატომური ბომბის გამოცდა, რომელსაც მიწისქვეშა ბიძგები მოჰყვა 4, 9 მაგნიტუდით.

6 იანვარს განხორციელებული რყევები თითქმის ანალოგიური იყო, (5, 1 მაგნიტუდა)რის შემდეგაც ჩრდილოეთ კორეამ წყალბადის ბომბის წარმატებული გამოცდის შესახებ განცხადება გააკეთა.

ურანის და პლუტონის ბომბისგან განსხვავებით, წყალბადის ბომბი უფრო რთულ ტექნოლოგიებს მოითხოვს, ხოლო მისი აფეთქების სიმძლავრე ბევრად უფრო მეტია.ამიტომ მრავალ ექსპერტს ეჭვი ეპარება ფხენიანის სიმართლეში.

ვლადიმერ ვორონკოვის განცხადებით, თუ მოხდა რადიაქტიული ნაწილაკების გატყორცნა ატმოსფეროში, პირველად პარასკევს ან შაბათს უნდა დაფიქსირდეს.

Agence France-Presse ვარაუდით, წყალბადის ბომბი მინიატურული იყო.