სუპერქვემეხის გამოცდის ვიდეოკადრები ინტერნეტში გამოქვეყნდა.

ბალტიის ქვეყნების დასაცავად ამერიკა აპირებს გამოიყენოს რელსოტრონი, მძლავრი ელექტრომაგნიტური ქვემეხი-ER (Electromagnetic Railgun).ამის შესახებ იუწყება "The Wall Street Journal"--ი.

"სამხედროები მიიჩნევენ, რომ რელსოტრონი გამოდგება იმ შემთხვევაში თუ ამერიკას მოუწევს რუსეთის აგრესიისგან ბალტიის ქვეყნების დაცვა და ამასთანავე გაუწიოს დახმარება მოკავშირეებს ჩინეთისგან თავის დასაცავად სამხრეთ-ჩინეთის ზღვაზე"-წერს გამოცემა.

ამერიკის სამხედრო საზღვაო ძალებმა ქვემეხი ER -ის პროექტი ჯერ კიდევ 10 წლის წინ წამოიწყეს, რაზეც 500 მილიონი დოლარი დაიხარჯა, მომავალში გეგმავენ პროექტის ფარგლებში კიდევ 800 მილიონი დოლარის დახარჯვას.

მაინც რას წარმოადგენს და რა მახასიათებლები აქვს სუპერქვემეხ ER -ს?

ქვემეხს შეუძლია გაისროლოს 25 კილოგრამიანი ჭურვი შვიდი ფოლადის ფირფიტის გავლით და დატოვოს 5 დიუმიანი ნახვრეტი.ER-ს არ სჭირდება არც დენთი და არც ასაფეთქებელი, სპეციალური ჭურვი ელექტრომაგნიტური ველის მეშვეობით მიექანება თვალიმომჭრელი სიჩქარით.

ჭურვი წამში 1, 5 კილომეტრი სიჩქარით მოძრაობს (4500 მილი საათში).

წინასწარი ვარაუდით რელსოტრონის პირველი პროტოტიპის გამოცდა მრავალფუნქციური დანიშნულების უნივერსალური სადესანტო გემი-კატამარან JHSV-3 ზე მოხდება მილინკეტში 2016 წელს.