მამა-შვილის საზარელმა მკვლელობამ, რომელიც რამდენიმე დღის წინ მოხდა, მთელი საქართველო შეძრა. 5 წლის შვილისა და 27 წლის მეუღლის მკვლელობისთვის ბრალი 25 წლის მაგდა პაპიძეს წაუყენეს.

საზოგადოება სხვადასხვა ვერსიებზე საუბრობს, ზოგი იმასაც კი აღნიშნავს, რომ მაგდა პაპიძეს მძიმე ბავშვობა ჰქონდა. მას მამა ხშირად სცემდა და ნაცემი მიდიოდა სკოლაში. ამ ინფორმაციასთან დაკავშირებით მაგდას და, ლანა პაპიძე სოციალურ ქსელში სტატუსს ავრცელებს და პროფილის სურათად გარდაცვლილი მამის ფოტოს დებს:

"მე როგორც მაგდას და ვდებ ამ სიტყვებს, რომ განადგურებული ვარ და ვართ ჩვენი ოჯახი და გვარი ამ ტრაგედიით. ყველას ვინც ჩემი დის ბავშვობაზე უარყოფით ინფორმაციას ავრცელებს (მივმართავ ბაღელებს და კლასელებს), მე და ჩემი და გაზრდილები ვართ იდეალურ ოჯახში, მამა დაგვეღუპა ტრაგიკულად და რასაც მამაზე ავრცელებთ ყველას გთხოვთ თავი შეიკავოთ ტყუილი და ცრუ ინფორმაციის გავრცელებისგან, მამა ამირან (გალა)პაპიძე იყო თავგადაკლული მამა, დედა კი ლია შამუგია არის იდეალუი დედა. მე, როგორც მაგდას უფროსი და, ვარ განადგურებული ხალხო! და ჩემი და იყო იდეალური დედა და ცოლი. ვინც იცნობს ჩემს ოჯახს ყველამ იცოდა მაგდა როგორი კარგი დედა და მეუღლე იყო. ჩემი დის შვილი, ჩემი თოკო, ჩემი სიძე ომარი, გონებიდან არ გამომდის მათი თბილი დამოკიდებულება. ბოლოს ერთად რომ ვნახე სამივე.... მე და ჩემი გვარი... ოჯახი.... ყველანი ვართ ცოცხალი, მოსიარულე მკვდრები. გთხოვთ აქ ნუ დაწერთ კომენტარებს."