ქათმის კვერცხი ერთადერთი პროდუქტია, რომლის 97-98% ათვისებაც ორგანიზმის მიერ ხდება და ფაქტიურად არ ტოვებს შლაკებს კუჭ-ნაწლავში. ქათმის კვერცხი მდიდარია ცილებით, რომელიც აუცილებელია ორგანიზმის განვითარებისათვის და სწორი ფუნქციონირებისათვის.
გასათვალისწინებელია, რომ კვერცხი ამცირებს „კარგი“ ქოლესტერინის დონეს და ამაღლებს „ცუდ“ ქოლესტერინს, რაც ზრდის გულ-სისხლძარღვთა დაავადებების რისკს. სწორედ ამიტომ ჰარვარდის სკოლის ექიმების განცხადებით, კვირაში 7 ცალი ან მეტი რაოდენობით კვერცხის გამოყენება სახიფათოა ჯანმრთელობისათვის.
რაც შეეხება კვერცხის ნაჭუჭს. დარწმუნებული ვარ ამ ჯადოსნურ მასალას კვერცხის შიგთავსის გამოყენებისთანავე ნაგვის ყუთში უკრავთ თავს. ასე ვიქცეოდი მეც მანამ, სანამ მისი თვისებების შესახებ არ შევიტყვე.
პირველ რიგში, სანამ ნაჭუჭის გამოყენების ხერხებს გაგიმხელდეთ, გავიგოთ ზოგადად რა არის ის.
კვერცხის ნაჭუჭი დიდი რაოდენობით მიკროელემენტებს შეიცავს – ფტორი, სპილენძი, რკინა, მარგანეცი, მოლიბდენი, ფოსფორი, გოგირდი, თუთია, სილიციუმი – სულ 27 ელემენტს. ერთი კვერცხის ნაჭუჭი შეიცავს 2გრ. კალციუმს.
ახლა კი გადავიდეთ იმაზე, თუ რისთვის და როგორ გამოიყენება ეს უებარი მასალა.
1) ორგანიზმის გაძლიერება და სისხლის გაწმენდა
გარეცხეთ 5 კვერცხი, მოაშორეთ შიგთავსი და გაასუფთავეთ ნაჭუჭი. დაფხვენით ის კარგად და დაასხით 3 ლიტრი ანადუღარი წყალი. შეინახეთ ეს ნარევი მაცივარში 7 დღით და 7 დღის შემდეგ მიიღეთ ორი-სამი ჭიქა ნარევი დღეში, როგორც სასმელი წყალი. სურვილის მიხედვით შეგიძლიათ დაამატოთ ლიმონის წვენი უკეთესი გემოსთვის.
2) ფარისებრი ჯირკვლის დაავადებები
აიღეთ 8 კვერცხი, გამოაცალკევეთ ნაჭუჭი და დაფხვენით წვრილად. დაასხით 2 ლიმონის წვენი და დატოვეთ მაცივარში რამდენიმე დღის განმავლობაში. როდესაც ნაჭუჭი დარბილდება, დაასხით მას ერთი ლიტრი არაყი და 1 კგ თაფლი. შეინახეთ ეს ნარევი მაცივარში 7 დღით. 7 დღის შემდეგ მიიღეთ ერთი ჩაის კოვზი ორი-ოთხჯერ დღეში, ჭამის შემდეგ.
3) გასტრიტი, წყლულოვანი დაავადებები
დაფხვენით კვერცხის ნაჭუჭები. დაყარეთ ცოტაოდენი დანის წვერზე. ამ რაოდენობის საკმარისი იქნება მკურნალობისთვის. შეურიეთ დაფხვნილ მასას 2 სუფრის კოვზი ლიმონის წვენი. როდესაც ნაჭუჭი დარბილდება, დაამატეთ 0.1 ლიტრი ცხელი რძე. მოიხმარეთ ეს ნარევი დღეში 2-ჯერ - უზმოზე დილით და ძილის წინ, საღამოს.
