რუსთავი2-ის გენერალური დირექტორი მუსიკალურ ტელეპროექტ "ნიჭიერის" გარშემო ატეხილ სკანდალს სოციალური ქსელის "ფეისბუქის" საკუთარ გვერდზე ეხმიანება, რომელიც ერთ-ერთი კონკურსანტის, ჟანა წითელაურის გამოსვლას მოყვა.

"ნიჭიერს" აკრიტიკებს ხალხი, რომლებმაც ასე, საკუთარი ინიციატივით, ჯანმრთელი ადამიანი გიჟად გამოაცხადა, მხოლოდ იმიტომ, რომ მოვიდა, სისულელეები ილაპარაკა, ცუდად იმღერა და წავიდა. საოცარი ამბავია იმ ხალხისგან, ვისაც პარლამენტში მეჭიაური, ჯაჭვლიანი და თოფაძე ყავს არჩეული. ეს არის სწორედ ლინჩის წესი და ბრბოს ფსიქოლოგია, რასაც ახლა თქვენ შვრებით, ძვირფასო პოზიორო პოლიტკორექტულო ინტელექტუალებო."
შეგახსენებთ, რომ "ნიჭიერში" ჟანა წითელაურის გამოსვლის შემდეგ მისმა მეზობელმა გაავრცელა მიმართვა, სადაც რუსთავი2-ს ადანაშაულებდა იმაში, რომ შოუს ნახვადობის გამო, გოგონას, რომელსაც ფსიქოლოგიური პრობლემები ჰქონდა, პროექტში გამოიყვანეს და ხალხის დასაცინი გახადეს:

"მოკლედ, ჟანას არც დაესიზმრებოდა "ნიჭიერში" მისვლა, რომ არა ერთი შემთხვევა: ერთხელ ბანკში იყვნენ მისული, გამოგზავნილი ფულის ასაღებად. ვიღაცამ დაინახა, შეატყო რომ ვერ იყო, რადგან იცვამს "უცნაურად" და დაუწყო, მეო ნიჭიერის უფროსი ვარო და დარწმუნებული ვარ ნიჭიერი გოგო ხარ, ალბათ მღერი და ცეკვავო და წამოდი "ნიჭიერში" ჩაგწერთო... ესეც გაყვა ბებიასთან ერთად და მთელი ზაფხული დაყავდათ რაღაც ჩაწერებზე. აქეზებდნენ, ნიჭიერი ხარ, ულამაზესი ხარ, საუკეთესო ხარ... ამასაც სჯეროდა და იმედი ჰქონდა, რომ გაიმარჯვებდა.. მე, რა თქმა უნდა ვაფრთხილებდი, რომ არ გასულიყო, მაგრამ არ მიჯერებდა...
სიმღერებიც რაღაც სასწაულები შეურჩიეს... ჯერ იყო და ლელა წურწუმიაო, მერე ეს მაილი საირუსი...
ან რა ჩააცვეს, ან რა ათქმევინეს, ან რაზე შეახტუნეს?! და ეს ამაზრზენი ხალხი, ჟიური, (და ყველაზე მეტად გვარამიაზე მეშლება ნერვები), უტიფრად დასცინის ამ გოგოს !!!! ამაზრზენია უბრალოდ, გული მერევა მათზე... ჩვენ რომ გვგონია, რომ თვითონ მიდის ეს ხალხი ნიჭიერში, თურმე თვითონ მიყავთ, რომ შოუ ყურებადი იყოს!!! ეს ჟანასთვის, ხომ უფრო დიდი სტრესია?!
ყველას გთხოვთ გაავრცელოთ, რომ ყველამ ნახოს და იცოდეს თუ რა ამაზრზენი, ყალბი და უჯიშო ხალხი მუშაობს "რუსთავი 2"–ში....
მე ნამდვილად გამეცინებოდა "ჟანას ნომერზე", რომ არ მცოდნოდა, ვინ არის და რისი გამკეთებელიცაა!!!!!"