2015-2016 წ. შემოდგომა-ზამთრის სეზონის პალტოები რამოდენიმე ტრენდით არის წარმოდგენილი: მინი, მიდი დამაქსი პალტოები; პალტო სახელოების გარეშე; კარაკული, მბზინავი ქსოვილითა და ბეწვით გაფორმებული პალტოები; სხვადასხვა ფერის ბეწვით აწყობილი პალტოები; მხიარული პრინტები; პალტოები კონტრასტული კვადრატებით და კუბოკრული ქსოვილით; პალტოები დიდი, ზემოდან დაკერებული ჯიბეებით და დიდი საყელოებით; პალტოები ამობურცული ტექსტურიდ ქსოვილით და გეომეტრიული ასიმეტრიით.

მოკლედ, ამ და მომდევნო სეზონისთვის შექმნილი პალტოს მოდელები, იმდენად მრავალფეროვანია, რომ ყველას შეუძლია სასურველი მოდელის შერჩევა, თავისი გემოვნების გათვალისწინებით.

I. თავისუფალი სტილი და აბსოლუტური მინიმალიზმი დეტალებში, რომელიც მოდაში რამოდენიმე სეზონის წინ შემოვიდა, მაგრამ ჯერ კიდევ პოპულარობის მწვერვალზეა.

II. საყელო: დიდი, ნაკერის გარეშე, ბორტების გაგრძელებაზე; მრავალფენიანი; ბეწვით გაწყობილი — ეს არის 2016 წლის სიახლე და ზამთრის სეზონის პალტოების ყველაზე მოდური ტრენდი.

III. ბეწვით გაფორმება, კიდევ ერთი სიახლე 2016 წლის ტრენდებში და ყურადღება მიაქციეთ, რომ ბეწვით მხოლოდ ერთი დასახელების ნაწილია გაფორმებული: საყელო, სახელო ან პალტოს დანარჩენი ნაწილი.

IV. ბეწვის პალტო იქნება მოდაში 2016 წ. შეიძლება ბევრმა თქვას, რომ ბეწვის პალტო იგივე ქურქია, მაგრამ ამ შემთხვევაში განსხვავება მაინც არის — რაც უფრო მოკლეა ბეწვი, მით უფრო მეტად ემსგავსება ქურქი პალტოს. ანუ მოდაშია ქურქები, დაბალ ბეწვზე.

V. მოდური ფერები. ამ და მომდევნო სეზონზე მოდაში არის წითელი და ლურჯი ფერები და ამ ფერების ყველა ტონალობა და რა თქმა უნდა, ბევრისთვის საყვარელი ფერადი პრინტები.