საქართველოში გამართული კონცერტების განხილვა, მონაწილეებისა და ორგანიზატორების კრიტიკა და შოუბიზნესის წარმომადგენლებს შორის დაპირისპირება ერთგვარ ტრადიციად ჩამოყალიბდა და ეს ჩვენთვის უცხო აღარ არის. ამ ყველაფრის გარეშე ჩავლილი ღონისძიება ბევრისთვის უკვე აზრსაც კი კარგავს. ერთ-ერთი მორიგი დაპირისპირების საგანი შოუბიზნესის წარმომადგენლებს შორის წლევანდელი „თბილისობის“ კონცერტი გახდა, რომლის მიღმა დარჩენილი, განაწყენებული მომღერალი
ბევრი აღმოჩნდა. მათ შორის არის მომღერალი ნინო ჩხეიძე, რომლის კომენტარსაც საჯარო განხილვები და უამრავი კრიტიკა მოყვა. კერძოდ, მომღერალმა კონცერტის შემდეგ საკუთარი
„ფეისბუქის“ გვერდზე გამოაქვეყნა პოსტი და იკითხა, თუ ვინ შეადგინა „თბილისობის“
კონცერტის სია.

აღნიშნული პოსტი კონცერტის მონაწილეთა მიერ სხვადასხვანაირად იქნა გაგებული, რასაც ნინო ჩხეიძის მიმართ არაერთი ცუდი და შეურაცხმყოფელი კომენტარი მოყვა. ნაწილი ასე გამოიყურება:

რა თქმა უნდა, ეს ყველაფერი უპასუხოდ არც ნინო ჩხეიძემ დატოვა, რასაც უცვლელად გთავაზობთ:

„ეხლა შემოვედი ფბ-ში, წავიკითხე ჩემი კოლეგების გვერდზე სხვადასხვა საინტერესო კომენტარები ჩემზე ))) მე სიმართლე გითხრათ არც მიმიღია ჩემს თავზე რომ მათი რომელიმე ისტერიული სტატუსი მე მეხებოდა თბილისობის შესახებ... იმიტომ რომ მე ორგანიზატორთან თუ მაქვს პრეტენზია ეს რა თქმა უნდა არ არის მათი საქმე... და არცერთი მონაწილე არ მიგულისხმია... მაგრამ როგორც ჩანს ჩემს კოლეგებს თავიანთ თავზე მიუღიათ ჩემი სტატუსი და თავიანთ გვერდებზე ბედნიერი უყურებენ ჩემზე ცუდ კომენტარებს, ერთმანეთსაც დამანუგეშებელ სიტყვებს წერენ და როგორც ჩანს, ძალიან უნერვიულიათ ))) აი მართლა მაგრად ტეხავს რომ 1 კონცერტით ამბიციის
მწვერვალზე ადიხართ... და მგლებად იქცევით... “