გუშინ, 2014 წლის 25 აგვისტოს ღამეს, ლოს-ანჟელესში, ემის (ამერიკული სატელევიზიო პრემია) ტრადიციული დაჯილდოების ცერემონიალი გაიმართა, რომელიც უკვე რიგით 66-ე იყო.
წითელ ხალიჩაზე უამრავი ვარსკვლავი და საზოგადოებისათვის კარგად ნაცნობი შოუბიზნესის წარმომადგენელი იწონებდა თავს კამერების წინ. რა თქმა უნდა, თითოეულმა მათგანმა, საკუთარი გარეგნობისათვის ათასობით თანხა დახარჯა, რომელიც ჯერ არ გამოქვეყნებულა და მათი სამკაულებისა და კაბების ჩაცმულობის ღირებულების ჩამონათვალის ხილვის „ბედნიერება“ წინ გვაქვს. ამ დღეს ისინი არასდროს იშურებენ ფულს, რომ საუკეთესოთა სიის სათავეში მოექცნენ. დიზაინერებიც ბოლომდე რთავენ თავიანთ ფანტაზიას საუკეთესო კაბების შესარჩევად, რადგან იციან, რომ თავიანთი კოლექციის სადემონსტრაციოდ საუკეთესო ადგილი სწორედ წითელი ხალიჩა არის.
პაპარაცებმა და ინტრიგანმა ჟურნალისტებმაც არ დააყოვნეს და ცერემონიალის მიმდინარეობის დროსვე, ერთმანეთის კონკურენციის
რეჟიმში, ოპერატიულად შეადგინეს სხვადასხვა სიები და რეიტინგები ჩაცმულობის, ვარცხნილობის, მაკიაჟისა თუ სხვა კრიტერიუმების მიხედვით. ერთ-ერთი ასეთი სია ემის ცერემონიალის ყველაზე სულელური ფოტოების აღმოჩნდა, სადაც ყველასათვის ცნობილი და საყვარელი მსახიობი, ჯულია რობერტსიც მოხვდა.