რუსეთში მოღვაწე ქართველი მომღერალი, ქეთა თოფურია ახალ სკანდალში გაეხვა. კერძოდ, ჯგუფ „ა-სტუდიოს“ სოლისტი ერთ-ერთ საღამოზე, „ბუდა-ბარში“
ქმრის გარეშე არაფხიზელ მდგომარეობაში, სიგარეტით ხელში, ალექს ნოვაცკისთან ერთად დააფიქსირეს.
„ქეთა თოფურია მეუღლის გარეშე ერთობა“ - წერს
რუსული გამოცემა და ქეთას ფოტოებს აქვეყნებს, სადაც ქეთა არაფხიზელ მდგომარეობაში არის, როგორც ამას ჟურნალისტი
ოლგა ემელიანოვა აღნიშნავს.
ერთი შეხედვით, არაფერი საგანგაშო არ მომხდარა,
მაგრამ რუსული შოუ-ბიზნესის წარმომადგენლებისთვის მიუღებელი აღმოჩნდა გათხოვილი ქალის
მარტო გამოჩენა საღამოზე, სადაც სხვა მამაკაცების გარდა, ძველი თაყვანისმცემლების ყურადღების ცენტრში აღმოჩნდა.განსაკუთრებით კი მისდამი ალექს ნოვაცკის დამოკიდებულება შეიმჩნეოდა. როგორც წესი, ქეთა დიდიხანია მეუღლესთან ერთად სტუმრობს ამა თუ იმ საღამოს. ახლა კი, მის გვერდით ბიზნესმენი ლევ გეიხმანი არ შეინიშნებოდა. რაც შეეხება სიგარეტს, მასზე ყურადღება ჟურნალისტებმა იმიტომ გაამახვილეს, რომ ქეთას უკვე ჩვევაში გადაზრდილი ტყუილი ფეხმძიმობის შესახებ, ამით ისევ გამოაშკარავდა.

„ქეთამ კიდევ ერთხელ დაადასტურა, რომ ხმები მისი ფეხმძიმობის შესახებ, ისევ და ისევ მხოლოდ ჭორებია.“ - წერს ჟურნალისტი.
მომღერალი ამ ყველაფერს ჯერ არ გამოხმაურებია და შესაბამისად, მისი რეაქცია ატეხილ აჟიოტაჟთან დაკავშირებით უცნობია.