24 აპრილიდან, ყოველ ხუთშაბათს, 22 საათზე,
ტელეკომპანია „იმედის“ ეთერში „ცეკვავენ ვარსკვლავების“
მე-4 სეზონი გავა. პროექტის ახალი პრომო, სადაც პროექტის მონაწილეები ჩანან, ტელეკომპანია „იმედის“ ეთერში გასვლისთანავე უამრავმა ადამიანმა იხილა და დიდი გამოხმაურებაც მოჰყვა.უკვე ცნობილია ჟიურის წევრების ვინაობა : ინგა გრიგოლია, რეჟისორი ლევან წულაძე, იგივე ჭოლა და უცვლელი გოჩა ჩერტკოევი.
რაც შეეხება „ცეკვავენ ვარსკვლავების“ მე-4 სეზონის მონაწილეებს, ვისი გარკვევაც პრომოდან შეიძლება, რვა „ვარსკვლავია“. დანარჩენი
ორი წყვილიდან კი ხალხისთვის გაუგებარია რომელია ვარსკვლავი და რომელი მოცეკვავე. პროექტის შემადგენლობამ უკვე დიდი კრიტიკა დაიმსახურა, რაზეც პროექტის პროდუსერი ნოე სულაბერიძე საზოგადოებას პასუხობს, რომ „ვარსკვლავი“ არ ნიშნავს მხოლოდ შოუ-ბიზნესის წარმომადგენლებს. ეს ის ადამიანები არიან, ვინც თავიანთ სფეროში წარმატებას მიაღწიეს.

საბოლოოდ, პროექტის მონაწილეები არიან :

აფხაზეთში მცხოვრები და რუსეთში მოღვაწე მომღერალი - ნანა არახამია, იგივე იასენია, რომელიც ქართველმა მაყურებელმა სულ ახლახანს გაიცნო.

ჟურნალისტი და პედაგოგი ნუგზარ რუხაძე.



ახალგაზრდა მოდელი ნინი ნებიერიძე.

გია ჯაჯანიძე, რომელსაც პარტნიორობას თავისი
მოგვარე ანი ჯაჯანიძე გაუწევს.




მოდელი და ცნობილი ტელეწამყვანი გიორგი ნაზღაიძე.




მომღერალი თიკა ჯამბურია.




მსახიობი მიშა მესხი.




მომღერალი TL.