ჩაცმა-დახურვის საკითხი დღეს, ვფიქრობ რომ თითქმის უმეტესობას სხვა ყველაფერზე მეტად ადარდებს. საზოგადოების თავშეყრის ადგილებში თუ სამსახურში გამოვიყურებოდეთ მოხდენილად, მიმზიდველად და ამავდროულად მოდურად, ყველა ჩვენთაგანის უდიდესი სურვილია. თუმცა, გვეცვას მოხდენილად და მიმზიდველად, სულაც არ ნიშნავს გამოვიყურებოდეთ იდეალურად, რადგან ფეხსაცმელისა და სხვა საჭირო აქსესუარების გარდა, ლამაზ იმიჯში ერთ-ერთ წამყვან როლს ქალში მაინც თმა ასრულებს. ნათქვამია, რომ იყო მოდური არ არის რთული, თუმცა სრული სიზუსტით მოირგო სტილი, ეს უკვე ძნელია. ამიტომ მოდური ქალბატონებისთვის წამყვანმა სტილისტებმა შემოდგომის ცხელი და მრავალფეროვანი სიახლეები გვამცნეს, რომელთაც ეხლავე შემოგთავაზებთ.

იმის გამო, რომ იმიჯის საკითხშიც აზრი სხვადასხვაობას იწვევს ინდივიდის გემოვნებიდან გამომდინარე, სტილისტებმა ამ შემოდგომას შემოგვთავაზეს თმის შეღებვის 15 მოდური ტენდენცია. გაეცანით მათ და შეარჩიეთ სასურველი სტილი.

1. ბუნებრივი ქერა. ამ დროს საჭიროა მსუბუქად შეარჩიოთ ჩრდილები, რათა უპირატესობა ჰქონდეს ბუნებრივობას და გამოვიდეს ნატურალური ხორბლის, თაფლისა და ოქროს ფერი.

2. კაშკაშა შავი. შავი ფერი ხელს უწყობს ქალს, ჰქონდეს იდუმალი იმიჯი და იყოს მეტად ბუნებრივი.

3. ჟღალი. წითური ფერი წელს ყველაზე აქტუალური და წელიწადის დროსთან-შემოდგომასთან მეტად შეხამებული იქნება.

4. კალიფორნიული მელირება. ამ სტილის მელირება ქმნის გაღიავებული ბოლოების ეფექტს.

5. ომბრე- (გრადიენტი) შეღებვის განსხვავებული სტილი, რომელიც გლუვად გადადის მუქი ტონალობიდან ღია თეთრამდეც კი.

6. შაბლონური (ტრაფარეტული) ფერწერა თმაზე. ღებვის ერთ-ერთი ტექნიკაა, რომელიც თმაზე ხატვას მოიცავს.

7. მზის ნაწილაკები. ხაოტური ღებვა, რომლის დროსაც თმის მხოლოდ გარკვეული ბოჭკოებია მსუბუქი ფერის, ანუ უფრო მსუბუქად ღია.

8. მკვეთრი ომბრე. ამ დროს გამოიყენება ყველაზე მკვეთრი და გიჟური ფერები.

9. შატუში. შატუშის ტექნიკა მოიცავს თმის დაბოლოებების მკრთალად და შეუმჩნევლად შეღებვას, რომელიც მზის ელვარების თვალისმომჭრელ ეფექტს იძლევა.

10. ბრონდირება. შეღებვის მარტივი მეთოდია, რომელიც მოიცავს ერთი და იგივე ფერის 3-4 ტონალობაში ღებვას.

11. Балаяж. ღებვის კიდევ ერთი მარტივი ტექნიკა, რომლის დროსაც ორი ღია ტონალობა გამოიყენება ერთ ფონზე.

12. ცისარტყელა. მგონი გასაგებია ეს სტილი რასაც გულისხმობს, გამოიყენება ყველა ფერი და ერთ-ერთი ყველაზე აქტუალურია ამ შემოდგომას.

13. ცისფერი თმები. მოითხოვს თქვენს გაბედულობას და გამოიყენება ცისფერი ფერი 3-4 ტონალობაში.

14. მწიფე ბადრიჯნისფერი.

15. ფერფლისფერი- ვერცხლისფერი. თმის ეს ფერი ჯერ კიდევ პოპულარობის მწვერვალზეა და ამ შემოდგომასაც ტენდენციურია.