სოციალური ქსელის მომხმარებლებში შოკირება გამოიწვია ქმრის კუბოსთან გადაღებულმა მხიარულმა ფოტომ.თუმცა დაქვრივებულმა ქალმა თავის საქციელს გამართლება მოუძებნა.

"საერთოდ გაგიჟდით და გადაირიეთ ამ სელფებით"-ეს გახლდათ ერთ-ერთი კომენტარი, რომელიც ევა ჰოლანდის პირად გვერდზე დაწერეს მას შემდეგ, როდესაც გარდაცვლილ ქმართან გადაღებული ფოტო გამოაქვეყნა სოციალურ ქსელში.ფოტოზე ქალი ორ შვილთან ერთად უდარდელად იღიმის.

მსგავსი და უფრო მკაცრი კომენტარები უხვად გახლდათ.

თუმცა ინტერნეტმომხმარებლების თავდასხმას ახალგაზრდა ქალმა ასე უპასუხა:"ვიცი, რომ ბევრისთვის არასასიამოვნოა ნახოს ეს ფოტო და ზიზღით თავიც მიაბრუნოს, მაგრამ ფოტოზე ვიღიმები იმის გამო, რომ გაჩვენოთ ნარკომანის რეალური ცხოვრება.თქვენ თუ აირჩევთ ამ გზას, ეს არის ერთადერთი რაც თქვენ გელოდებათ."

როგორც Daily Mail-ი იუწყება, 26 წლის გარდაცვლილი მამაკაცი მას შემდეგ "შეჯდა" ჰეროინზე, როდესაც კბილების მკურნალობის დროს ტკივილგამაყუჩებლებს იღებდა.ამის შემდეგ მაიკლმა რამდენჯერმე გაიარა სარეაბილიტაციო ცენტრში მკურნალობის კურსი და იქიდან "ახალ ადამიანად" ბრუნდებოდა.თუმცა მისთვის ცხოვრება ნარკოტიკების გარეშე მცირე ხანს გრძელდებოდა.

ახალგაზრდა ქალი აცხადებს, რომ ბავშვები არ უნდა იზრდებოდნენ მამის გარეშე, მის მეუღლეს შეეძლო ეცხოვრა დიდხანს და ბედნიერად ცოლ-შვილთან ერთად, თუმცა მან ოჯახს წუთიერი სიამოვნება არჩია.იქნებ ეს გაფრთხილება იყოს სხვებისთვის.

თუმცა ინტენრეტმომხმარებლების უმეტესობა მაინც მიიჩნევს, რომ ფოტო კუბოსთან გადამეტებულია-არაეთიკური და ამაზრზენი.