მსახიობი გივი სიხარულიძე ქართული საზოგადოებისთვის ნაცნობი და სყვარელი სახეა. ინტერნნეტსივრცეში მისი ინტერვიუ გავრცელდა, რომელშიც ის რუსულ-ქართულ ურთიერთობასა და ხალხზე საუბრობს. "მთელი ცხოვრება რუსეთში გავატარე, ასეთი სული მსოფლიოში არავის არ აქვს, მე ვიცი რას ნიშნავს უბრალო რუსი ხალხი, ეს არის ნამდვილი რუსული სული და გულწრფელობა ურთიერთობაში. თუ რუსი მოგენდობა, ის მთელი გულით მოგენდობა. ქართველები ნელ-ნელა აზრზე მოდიან, რუსეთის გარდა ჩვენს სხვა გზა არ გვქავს, პოლიტიკოსებიც გონს მოვლენ და რუსებიც უნდა ეცადონ, რომ ჩვენს ხალხს ისინი ისე უყვარდეთ, როგორც მე მიყვარს. რუსები - ეს არც ჟირინოვსკია და არც გენერალიტეტი"-განაცხადა ბატონმა გივიმ.

მსახიობის ამ განცხადებას დიდი გამოხმაურება მოჰყვა სოციალურ ქსელში. იყვნენ ისეთები, რომლებიც ბატონ გივის ეთანხმებოდნენ, მეორენი კი ქვეყნის მოღალატედ რაცხავდნენ. დღეს სოხუმის დაცემიდან 22 წელი გავიდა, ამიტომაც საზოგადოება რუსულ-ქართული ურთიერთობების მიმართ მეტად მგრძნობიარე გახდა.

"მე მეზიზღება ჟირინოვსკის რუსეთი, თუმცა ძალიან მიყვარს და სანუკვარი რამაა პუშკინის, ლერმონტოვის და ჩეხოვის რუსეთი და საერთოდაც, რუსი ხალხი მიყვარს. მე ნახევრად რუსი ვარ, დედა მყავდა რუსი და როგორ შეიძლება რუსები არ მიყვარდნენ?!"-

განმარტავს ბატონი გივი ერთ-ერთ სააგენტოსთან საუბრისას. იმ ხალხს კი რომლებიც მსახიობს პირფერობასი ადანაშაულებს ასე პასუხობს: "ვინც ასე აღიქვა გადაეცით გივი სიხარულიძემ შემოგითვალათ - შეგეც*თ ყველასო! ძალიან გთხოვთ, პირდაპირ ასე დაწეროთ. მე უბრალო რუსი ხალხი მიყვარს და უდიდეს პატივს ვცემ მათ."