უცნაური შემთხვევა მოხდა პეკინის საერთაშორისო აეროპორტში.მგზავრმა სახელად ჩჟაომ ერთბაშად მოიყუდა კონიაკი და დაცალა იმის გამო, რომ აეროპორტის მესვეურებმა ქალს აუკრძალეს თვითმფრინავში კონიაკის შეტანა და მისი დატოვება მოსთხოვეს.

შედეგად ქალი ისე დათვრა, რომ დამოუკიდებლად გადაადგილება აღარ შეეძლო და იატაკზე დაეცა.აეროპორტის უსაფრთხოების თანამშრომლებმა ქალი ბორბლებიან სავარძელზე დასვეს და მოსასვენებელ ოთახში გადაიყვანეს.

როგორც The Telegraph-ი იუწყება, ქალმა კონიაკი Rémy Martin XO Excellence-ი აშშ-ს აეროპორტში 164 ევროდ შეიძინა, თუმცა ჩინეთში შემდეგ რეისზე ბორტზე მისი ატანა აუკრძალეს.ამის გამო გადადგა ქალმა უცნაურად რადიკალური ნაბიჯი.

როგორც გამოცემა იუწყება, ნაბახუსევი ქალი საღამოს ნათესავებმა წაიყვანეს.წასვლის წინ მან მადლობა გადაუხადა აეროპორტის დაცვის თანამშრომლებს მასზე გაწეული მზრუნველობისთვის.