მოგეხსენებათ, რომ სკანდალურ მომღერალ მარკუს მეტრეველს თავისზე გაცილებით დიდი შეყვარებული ჰყავდა, რომელთან ურთიერთობაც სამწუხაროდ წარუმატებლად დასრულდა. მისი რჩეული ბიზნესმენი ლელა მიქელაძე-ბერიაშვილი იყო. მათ ერთმანეთი სოციალური ქსელის მეშვეობით გაიცნეს, ინიციატორი კი თავად ლელა გახლდათ, რომელმაც მომღერლის სიმღერა ერთ-ერთ კლუბში მოისმინა და მისით მოიხიბლა. მათი დაშორების მიზეზებზე აქ აღარ ვისაუბრებთ, რადგან შორს წავალთ. ალბათ ყველას გაინტერესებთ, როგორ უვლის თავს და ინარჩუნებს თავის მომხიბვლელობას ლელა მიქელაძე-ბერიაშვილი. ამასთან დაკავშირებით მან თავის "ფეისბუქის" გვერდზე გამოაქვეყნა სტატუსი, საიდანაც ჩანს, რომ იგი ბუნებრივი ნიღბებით კვებავს თავის სილამაზეს.

"დიდ სიამოვნებას მანიჭებს სახლში რომ ვფუსფუსებ. ქალმა რაც არ უნდა დაკავებული იყოს ერთი დღე აუცილებლად უნდა დაუთმოს საკუთარ თავს, დაასვენოს ტვინი, სხეული, მიხედოს სახის კანს. ყველას ჰგონია რატომღაც, რომ პლასტიკურების და ქიმიური ძვირადღირებული სახის მოვლის საშუალებების გარეშე ცხოვრება შეუძლებელია, რაც ასე არ არის. 37 წლის ასაკიდან დავიწყე კანის მოვლა ბებიის ნასწავლი სახის გამწმენდი ნიღბების გამოყენებით, ყველასთვის ხელმისაწვდომი პროდუქტით. ბევრი იტყვის, რა ფული გენანებაო, ან რა ძუნწია რომ საკუთარი თავისთვის ენანებაო, მაგრამ საიდუმლოება იმაშია ჩემო კარგებო რომ დიდ სიამოვნებას მანიჭებს, როდესაც ჩემი ხელით ვამზადებ სასურველ ნიღაბს და ვუვლი ჩემს თავს, რაც ბებიის დანატოვარია და ძვირფასია ჩემს ცხოვრებაში. სონიჩკა ბებოს ვინც იცნობდით კარგად გემახსოვრებათ მისი გარეგნობა, რომელიც მე დღემდე თვალწინ მიდგას. მადლობა ასეთი განძისთვის. ეს თაობიდან თაობით გადადის და ნუ დაივიწყებთ, რომ მე 46 წლის ვარ. 2015 წლის 6 აგვისტო."