მას შემდეგ, რაც ბრაზილიელმა ნელსონ ფილიპსმა თავის Facebook-ის გვერდზე ორი გოგონას სურათი გამოაქვეყნა, ფოტომ ორ დღეში მთელი ინტერნეტი მოიცვა.


თავიდან თითქოს ძნელი მისახვედრია, რამ გამოიწვია ფოტოს ასეთი პოპულარობა, მაგრამ მთავარი ის კომენტარია, რომელიც მასზე ავტორმა დატოვა:

„დისკრიმინაციის მომხრე არ ვარ. მესმის, რომ თითოეულს აქვს უფლება საკუთარი ცხოვრება თავისი სურვილის მიხედვით განაგოს და აკეთოს ის, რაც თავად
სურს. მაგრამ ძალაუნებურად მეც ვხდები ამ სცენის შემსწრე.

ის, თუ რას აკეთებენ ადამიანები მარტო ყოფნისას, მათი პირადი საქმეა. მაგრამ საჯარო ადგილას თუ არიან, მაშინ მათი საქციელი მეც მეხება. მე კი უარს ვაცხადებ ვუყურო ამ საქციელს და თავი მოვაჩვენო, ვითომ ყველაფერი ნორმალურადაა.

ასეთი საქციელით ისინი საზოგადოებას გამოწვევას უგზავნიან, ეს კი ძალიან საშიშია. უცბად რაიმე ცუდი რომ მოხდეს, ან უფრო უარესი, ვინმე რომ მოკვდეს, ვინ იქნება დამნაშავე?


რა მაგალითს აიღებენ აქედან ჩვენი შვილები? ისინი ჩათვლიან, რომ ნორმალურია მატარებლის მოსვლას ყვითელ ხაზზე მდგარი ელოდო! ამიტომ ნუ მოიქცევით ისე, როგორც...ეს ბიჭი.


უმჯობესია, დადექით უსაფრთხო მანძილზე და მოეხვიეთ ერთმანეთს.“