ამერიკელმა მეცნიერებმა ახლახანს შეიმუშავეს ნერწყვის ახალი ტესტი, რომლის წყალობითაც შესაძლებელი გახდება უახლოეს მომავალში სიმსივნის, დემენციისა და მეორე ტიპის შაქრიანი დიაბეტის ადრეულ სტადიებზე გამოვლენა. გამოკვლევის ავტორები თავიანთ აღმოცენას "წმინდა გრაალს" უწოდებენ საშიში დაავადებების ადრეული გამოვლენის საქმეში.კალიფორნიის უნივერსიტეტის მეცნიერებმა დაადგინეს, რომ ადამიანის ნერწყვში არსებობს გარკვეული ტიპის მოლეკულები, რომლებიც სხვადასხვა დაავადებების ინდიკატორია. ასეთივე მოლეკულებია სისხლშიც. მათი დახმარებით შესაძლოა ალცჰაიმერის დაავადების, დემენციის სხვადასხვა სახეობის, სიმსივნური პროცესების, მეორე ტიპის შაქრიანი დიაბეტისა და ზოგიერთი აუტოიმუნური დაავადების ამოცნობა მოხდეს, თანაც ძალიან ადრეულ სტადიებზე.

ამ გრანდიოზული კვლევის ავტორი გახლავთ კალიფორნიაში, ლოს ანჟელესის უნივერსიტეტის პროფესორი დოქტორი დევიდ ვონგი, რომელიც აცხადებს, რომ: - " ნერწყვი დიაგნოსტიკური თვალსაზრისით ნამდვილი საგანძურია.მისი წყალობით შესაძლებელია მომავალში საფუძველი ჩაეყაროს პერსონალიზებულ მედიცინას. ეს უდიდესი რამ იქნება! წარმოიდგინეთ ექიმი სტომატოლოგების მიერ ჩატარებული მარტივი ანალიზის წყალობით ადრეულ სტადიებზე ანუ სიმპტომების გამოვლინებამდე ბევრად ადრე, შესაძლებელი იქნება პანკრეასის კიბოს, დიაბეტის წინა მდგომარეობისა და მრავალი საშიში პათოლოგიის დიაგნოსტიკა.ეს უამრავი ადამიანის გადარჩენის საშუალებას მოგვცემს, ასე ვთქვათ, ჩანასახშივე ვუმკურნალებთ ძირითად პრობლემას და დაავადებად ჩამოყალიბების საშუალებას არ მივცემთ უამრავ მძიმე პათოლოგიას!".

კვლევის ჩასატარებლად დოქტორ ვონგის ლაბორატორია მზადაა, სადაც უკვე 165 მილიონმა ადამიანმა გამოკვლება ნერწყვით ჩაიტარა, რომელთა დეტალები სამეცნიერო ჟურნალ "Clinical Chemistry" გამოქვეყნდა - წერს წყარო.