დილაადრიან, როდესაც შვილებს სკოლისათვის ამზადებენ, სამსახურში მიიჩქარიან, ან უბრალოდ ადრიანად გაეღვიძებათ, საზოგადოების დიდი ნაწილი თავს დილის გადაცემებით ირთობს. ერთ-ერთი ასეთი გადაცემა კი "იმედის დილა" გახლავთ, რომელშიც გასულ პარასკევს უსიამოვნო ინციდენტი მოხდა. ნატა გულიაშვილი, რომელიც პირდაპირ ეთერში დესერტის მომზადებას გვასწავლიდა კოლეგის, თაკო ჩორგოლაშვილის მოუხერხებლობამ გააღიზიანა. ვერ ვიტყვით, რომ ახალგაზრდა ჟურნალისტი ხელებიდან ცეცხლს აფრქვდა, მაგრამ ასეთ რეაქციასაც არ იმსახურებდა. რამდენიმე უხეში და უტაქტო მიმართვის შემდგომ თაკომ გადაცემის ჩაწერა მიატოვა. ეს ყველაფერი ინტერნეტსივრცეში მალევე გავრცელდა და ვიდეო კვირის ჰიტადაც იქცა. საზოგადოებამ განაწყენებულ თაკოს სოლიდარობა ფამოუცხადა, ნატა გულიაშვილი კი კრიტიკისა და ლანძღვა-გინების ობიქტი გახდა.

როგორც ჟურნალისტები ირწმუნებიან, ეს ყველაფერი პატრა პროვოკაცია გახლდათ. თუ რას ემსახურებოდა ეს ყველაფერი, ამას უკვე მომდევნო პარასკევს "იმედის დილაში" იხილავთო.

"ყველა ჩემი მეგობრის, ჟურნალისტის და უბრალოდ ცნიბისმოყვარე ადამიანის გასაგონად ვამბობ ... პარასკევს იმედის დილაში მომხდარი კომფლიქტი წინასწარ დადგმული იყოოო...რატოოო? უყურეთ იმედის დილას პარასკევს და გაიგებთ.."-წერს ნატა გულიაშვილი და იქვე დასძენს: "დღემდე არ დამთავრდა, ჩემთან რეკვები და პირადში თუ იმედის საიტზე ჩემი ლანძღვა. ალბათ მართლა კარგად ვითამაშეთ".

ამ ყველაფერს ადასტურებს თაკო ჩორგოლაშვილი: "დადგმული იყო ინციდენტი. დანარჩენზე შემდგომ პარასკევს ვისაუბრებთ და ძალიან გთხოვთ შეურაცხმყოფელი კომენტარებისგან თავი შეიკავეთ".

პროვოკაციები რეიტინგის მოსაპოვებლად თუ შესანარჩუნებლად ტელევიზიებს საყვარელი ხრიკია. თუმცა ასეთი გზებით მოპოვებული რეიტინგი არც ისე მყარია.