BMW-ს დილერებმა ახალი ზელანდიის ქალაქ ოკლენდში ახალთახალი პირველი სერიის ჰატჩბეკი აჩუქეს ადგილობრივ მცხოვრებს ტიანა მარშს, რომელმაც ფირმის მიერ მოფიქრებული საპირველაპრილო ხუმრობა დაიჯერა. ქალი გამოეხმაურაა ადგილობრივ გაზეთ The New Zealand Herald-ში ფირმის დილერის მიერ საპირველაპრილოდ გამოქვეყნებულ სახუმარო განცხადებას, რომელიც ამცნობდა, რომ ყველას, ვისაც კი ძველი ავტომობილი ჰყავდა, ფირმა BMW ახალ ავტომობილს სთავაზობდა ძველის სანაცვლოდ.

მარში ავტოსალონში დილაადრიან მივიდა, დილის ექვსის ნახევარზე. მან დილერებს გაზეთიდან ამოჭრილი კუპონი წარუდგინა, თუმცა ბოლომდე არ სჯეროდა, რომ გაუმართლებდა. მაღაზიის მენეჯერმა მას საზეიმო ვითარებაში გადასცა ახალთახალი მანქანის გასაღები. სიხარულისაგან ენაჩავარდნილ ქალს არა და არ სჯეროდა, რომ ახალი ჰატჩბექის მფლობელი გახდა.

მანქანასთან ერთად მარშმა დამატებით მიიღო სპეციალური სანომრე ნიშანი წარწერით NOF00L (ბრიყვი არ ვარ) და საშოფრო ოსტატობის კურსის გასავლელი სერტიფიკატი BMW Driving Experience-ის ცენტრში.

ტიანა მარშის ძველ ავტომობილს - 15 წლის Nissan Avenir-ს დილერი აუქციონზე გამოიტანს გადაყიდად. მისი გაყიდვიდან შემოსული თანხა შეზღუდული შესაძლებლობების ბავშვთა დახმარების ფონდში გადაირიცხება.

P.S. ჩემი მხრიდან დავამატებდი, რომ BMW-ს მესვეურებს მშვენიერი სარეკლამო ტრიუკი გამოუვიდათ, რაც ერთიორად გაზრდის მათი მანქანების გაყიდვების რაოდენობას.