"X ფაქტორის" "ფეისბუქის" ოფიციალურ გვერდზე მეორე სეზონის ჟიურის შემადგენლობა დასახელდა. სულ მალე "რუსთავი 2"-ის ეთერში "იქს ფაქტორის" ახალი სეზონი დაიწყება. როგორც ჩვენთვის გახდა ცნობილი, პროექტში უამრავი სიახლე იქნება. პროექტში აღარ იქნება სტეფანე მღებრიშვილი. ამბობენ, რომ თამთა გოდუაძეს ჩაანაცვლებს სოფო ნიჟარაძე, რომელიც ამერიკიდან საქართველოში სწორედ პროექტის გამო დაბრუნდა. თუმცა ამ ინფორმაციას პროდიუსერები არ ადასტურებენ. მაყურებლის მოლოდინი როგორც თამთა გოდუაძის, ასევე სოფო ნიჟარაძის მიმართაც ძალიან დიდია, ამიტომ არ არის გამორიცხული ჟიურიში ორივე ქალბატონი ვიხილოთ. - ამ ინფორმაციას ამ დღეებში სხვადასხვა საიტი ასაჯაროვებდა, დღეს კი ფეისბუქის ოფიციალურ ვებ - გვერდზე "X ფაქტორის" მეორე სეზონის ჟიურის სამი წევრი დასახელდა და ესენი იქნებიან:

თამთა გოდუაძე
გიორგი გაბუნია
სოფო ნიჟარაძე! ჟიურის მეოთხე წევრის შესახებ, ორშაბათს, 9 მარტს შეიტყობს სრულიად საქართველო! სწორედ მაშინ, როცა შოუ პირდაპირ ეთერში გავა.როგორც წყარო წერს, "X ფაქტორის"
მეორე სეზონში ცვლილებები წამყვანების დუეტშიც იქნება. იმას, თუ ვინ წაიყვანს პროექტის ახალ სეზონს, ზუსტად,

ხვალ, " X ფაქტორის" ფეისბუქის გვერდიდან შეიტყობს საზოგადოება .