ია ფარულავა ერთ-ერთი პოპულარული ქართველი მსახიობი გახლავთ, რომელიც მუდამ საზოგადოების ყურადღების ცენტრშია. სწორედ ამიტომ ყვითელი პრესაც აქტიურად ნადირობს ამ ქალბატონსა და მის პირად ცხოვრებაზე. მსახიობი ორშაბათს სასამართლოში დაიბარეს. როგორც გაირკვა ია მოწმის სტატუსით წარსდგება, საქმე კი ერთ-ერთ კაფეში მომხდარ ინციდენტს, "ერთიანი ნაციონალური მოძრაობისა" და "ქართული ოცნების" წარმომადგენლებს შორის მომხდარ დაპირისპირებას ეხება. ამ ყველაფრის შესახებ მსახიობი სოციალური ქსელის მეშვეობით გვამცნობს: "რა ბედნიერებაა ორშაბათს სასამართლოში ვარ დაბარებული ქოც-ნაცების ჩხუბზე "la trufee"-ში, არადა რომ გამოვედი მერე მოხდა ყველაფერი".

ია ფარულავა "ერთიანი ნაციონალური მოძრაობის" მხარდამჭერად და ფავორიტად მოიაზრება. მსახიობი მიხეილ სააკაშვილს ღრმა ბავშვობიდან იცნობს. როგორც ამბობდნენ ყოფილ პრეზიდენტს თანაკლასელი ფარულავა მოსწონდა, მაგრამ მისი გულის მონადირება ვერ შეძლო. ძველი მეგობრები სააკაშვილის გაპრეზიდენტებისთანავე დაახლოვდნენ. სანდო წყარო ამტკიცებს, რომ სააკაშვილის მთავრობა ფარულავას ხათრით მის ყოფილ ქმარს, ფადი ასლისაც მფარველობდა.

შეგახსენებთ, რომ ია ფარულავა დაქორწინებული გახლავთ მუსიკოს ტარიელ სუარზე. "მუსიკის რაინდისა" და მსახიობის ურთიერთობაში უთანხმოებამ თავი მალევე იჩინა. ტარიელმა მეუღლე "მიშა პარიკმახერთან" მიმოწერაში ამხილა. კონფლიქტი მალევე მინელდა. როგორც ამბობენ წყვილი დაშორდა, ამ ფაქტს არცერთი არ ადასტურებს თუმცა საზოგადოებაში ერთადაც აღარ ჩანან. ვუსუვოთ მათ წარმატებები და ბედნიერი მომავალი...