ვიდეოჩანაწერები, რომლებზეც ეკა ყურშიტაშვილისა და პატრულის თანამშრომლების დაპირისპირებაა ასახული ნამდვილ ინტერნეტ ჰიტად იქცა. ლამაზმანი კი დღეს ყველაზე პოპულარული ქართველი ქალი გახლავთ. თვითონ ამტკიცებს, რომ პოპულარობა სულაც არ სურდა და ყველაფერი მოულოდნელად მოხდა. ეკამ ბოდიში მოუხადა შვილს, მშობლებსა და საზოგადოებას. გოგონა ამტკიცებს, რომ პატრულის მაღალჩინოსნებს არ იცნობს, ეს ყველაფერი სიცრუე იყო და ამის გამო არ სურს ვინმეს ოჯახური პრობლემა შეექმნას. ეკას მტკიცებით, მას ბოლო ერთი წლის მანძილზე საკმაოდ სოლიდური თანხის ჯარიმები აქვს გადახდილი და გავლენიანი ნაცნობების ყოლის შემთხვევაში თანხას არ გადაიხდიდა.

ეკა ყურშიტაშვილის ლანძღვით, გინებითა და მისდამი ირონიით თითქმის მთელმა საქართველო იჯერა გული. ერთ-ერთი მათგანი ნანიკო ხაზარაძე გახლდათ, რომელმაც გოგონას პირდაპირ ეთერში შეუტია, თუ სტილისტობით ამდენი ფული იშოვება პროფესიას შევიცვლიო. ნანიკომ ისიც აღნიშნა მეც ვიგინები, მაგრამ პირადად არავის ვაგინებო, თუმცა მალევე გავრცელდა კადრები, რომელშიც ნანიკო ხაზარაძე პირდაპირ ეთერში ბოლწსიტყვაობს.

"ვახტანგ მეფე ღმერთს უყვარდა

ციდან ჩამოესმა რეკა,

მაშინათვე უპასუხა,

გისმენთ ქალბატონო ეკა"-ამ და კიდევ არაერთ ხუმრობას მოისმენთ ეკა ყურშიტაშვილზე.

ეკა არც იმ ცნობილმა ქართველებმა დაინდეს, რომლბმაც საკუთარ თავზე გამოსცადეს და კარგადაც იციან რა რთულია გაუძლო საზოგადოების აგრესიას. ამ ყველაფრის შემხედვარე კი ალბათ იფიქრებთ, ყვავი ყვავს დასცინოდა შავი ხარო. მომღერალი ნინი ბადურაშვილი, მოდელი ნინი ნებიერიძე, გიორგი ქისტაური, "ვანოს შოუ" და "ბინა N18" ეკა ყუშიტაშვილის პაროდიებს გვთავაზობენ.